أريد حل الله يخليكم مع زوجي وإتصالات البنات
السلام عليكم ورحمة الله وبركاااااااااته..
صباح الورد عليكم جميعا..
ترددت كثير كثير كثير قبل أكتب لكم قصتي..!
لأني بطبعي لا أحب الشكوى لأحد لأن الشكوى لغير الله مذلة ..!
بس من جد أنا فاااااااض فيني وماعاد قدرت أستحمل اللي يصير أكثر..!
لا أخت أقدر أقول لها ولا صديقة ولا قريبة ولا أحد في هالدنيا..
طولت عليكم بالمقدمة..!
بس يعلم الله إني جااااااالسة أكتب لكم مشكلتي ودموعي على خدي..!
أنا صار لي متزوجة قبل 4 سنوات..
مرت علي من أحلى أيام عمري بحلوها وبمرها..
زوجي ماكان مقصر معي بشئ..
يحبني والحمد لله..
وأنا بعد أحبه ولا قصرت عليه يوم بشئ
زوجي من عشاق الجلوس على النت..
مدمن على النت من قبل لا أتزوجه..
بيتوتي جدا قليل الخروج..
أول ماتزوجته شفت الماسنجر عنده كان مليان بمن هب ودب..!
بنات وأولاد..
يوم صاااااارحته وقلت له من اللي موجودين وخااااااصة البنات ..
قال من زمان موجودين بعضهم أعرفهم وبعضهم لا بحكم انه كان مشرف سابق على منتدى..
ومر الموقف هذا بسلام وكان في أول سنة زواج لنا لأني كنت واثقة فيه لأبعد حد..!
ومرت السنين..
وهذي السنة الرابعة لنا..
قبل شهر تقريبا..
فتحت جواله بآخذ منه مسج..
ولقيت رسالة في الرسائل المرسلة الخطاب موجه الكلام فيها لبنت والاسم اللي عليه الرقم ولد(منصور)
والرسالة مو غرامية تعتبر عادية نوعا ما..!
الفترة اللي بعدها على طوووول كانت تجيه اتصالات من نفس الرقم وكان يتهرب منها لما يكون معي..!
ويقول ماودي أرد عليه هذا منصور ذبحنا..!
وبعدها حول جواله على خدمة موجود اكسترا..!
وكان الرقم يتكرر..
ويومها علمني وقال أنا حولت جهازي لخدمة موجود..!
وقلت له أنت مااااااااااااعمرها جتك اتصالات كثيره ليش تحوله..؟
وبعدها شالها..!
المهم صررررررررت أراقب جواله بصراحة أبي شئ يريحني..
صرت كأني أدور له على عذر ولو بسيط يشفع له عندي ولا أقووووول إنه يخونني..!
تفاجأت إنه يكلم وهو بالعمل اتصالات على دقيقة وعلى دقيقتين وعلى ثلاث وشئ أقل من الثواني..
ويستغل الوقت اللي أكون فيه عند أهلي بمكالمات طويلة اللي هو يوم الخميس وأنا بالعادة أروح لأهلي
الخميس لحد يوم الجمعة وبعدين أرجع..!
المشكلة مو رقم واحد اللي شاكة أنا فيه عنده..
فيه عنده رقم باسم (عبد الله) وواحد ثااااااااني أذكر من يوم تزوجته وهو موجود يعني قديم بس برضو
شكيت فيه هو الثاني وتأكدت إنه مثل اللي قبل..!
يعني المجموع 3 أرقام مختلفة بأسماء ذكور مختلفة لبنات..!
واللي متأكدة منه إن شاء الله إنه مافيه مقابلات..!
بس تلفون وانترنت..!
وللعلم إن زوجي محافظ على صلاته يخاف الله حنون..
ودايما يحثني على الخير بمواقف كثيره
من البيت للعمل ومن العمل للبيت..
حتى الصلاة غالبها بالبيت..
ولا هو راعي طلعات أو سفرات من بعد زواجنا..
وهذا اللي بيذبحني..!
انا مو مستوعبه الووووووضع ياناس ..!
بموت من القهر..!
وخاااااايفة يجيني شئ..!
ولا أقدر أكلم أحد..!
وأخااااااااف إني أصارحة وينهدم اللي بيننا..!
أرجوكم دلوني ..
وش أسوي..؟
لأني تعبت ولا في يدي حيلة بعد الله إلا أنتم...!
أدري طولت عليكم ..!
بس والله ودي أفضفض لكم وتراها أول مرة أحكي فيها..!
أختكم المحتارة
سراب الطيف..
تم تعديل العنوان
التعديل الأخير تم بواسطة المجاهد ; 19-06-2007 الساعة 11:23 AM