بختصر عليك الموضوع مع حدثين صارت قبل يومين بالضبط
فاسمعني ياخوي بأذن عقلك وقلبك معاً

بنت احد الأقارب رفضت الذهاب مع أمها لخالتها بدعوى ان رأسها يالمها تمام
وقالت لامها مو رايحه روحي انتي وانا بجهز العشاء بدالك ع مال تجين
الشاهد جات الأم وبنتها بالصالة وتخاصمها قومي يا أم النوم هذي الي بتسوي العشاء
واللحمة مثل ما اهيه فوق الدولاب
قومي وتدفها برجلها عشان تصحى (على الكلام الي وصلني الله اعلم)
الشاهد ان البنت ماترد عليها لانها ميته لها ساعتين
تتوقع منو حاس بالندم الحين غير الأم في الوقت الي كانت البنت ميته الأم تخاصم عشان ماسوت العشاء.

الحدث الثاني جارنا مات بوسط اهله في بيته بدون مقدمات قال بطني يعورني
وشهق ومات لا لحق يودعهم ولا شي ..ولا لحقوا يعبرون قد ايش يعني وجوده لهم الشيء الكثير
لما رحنا نعزي ضمنتي بنته وتبكي تقول ابوي رايح وكلام كثير مافهمته الي وصل لي من هالوجع
ليه ندفن مشاعرنا ومانعبر عنها بكل اريحيه ومانحس انّا تأخرنا الا اذا ضاع منا كل شي
ولا نقدر وقتها نعبر للي هم أغلى من انفسنا علينا لييييه ؟!

الشاهد تأمل حديث الرسول صلى الله عليه وسلم في كلام ابوي ابو مريم
اذا الرسول بكل بساطه قال للصاحبه يعبرون بحبهم لأخيهم المسلم ف شلون عاد وهي زوجتك اقرب الناس لك

لا تسمع للي يقولون أفعال وتشوف نفسها عليك ليه هو انت كنت شايف نفسك عليها يوم كانت تحبك؟؟
كلامي ماهو نقص بمقام الأخوة والأخوات بهالشي
لكن والله من بعد هالقصتين الي وقفت عليهم بنفسي حسيت قد ايش الدنيا قصيره
وتافه في اني نضيع من وقتنا وعمرنا تحت فرضيات يمكن ولا يمكن ؟!!!

روح لزوجتك وضمها وقولها بكل بساطه احببببببببك لأنك ماتدري متى تموت زوجتك ولا حتى انت
لايجي اليوم الي تدفنها بقبرها لحالها تقول رجوعها لي ماتت وانا ماقلت لها شعوري لها
الدنيا أقصر مما تتصور

ماضيعنا كا بنات وشباب الا تعويذات الكلام اثقلي عليه يجيك مثل الخاتم
اسحب عليها تركض وراك
لا تقولها احبك تشوف نفسها عليك
لاتسمعين كلامه عشان مايتامر عليك

طفشنا وربي طفشنا من كل هالجنوووون الي قاعد ينقال
اقرأ عن سيره الرسول عليه السلام والصحابه احب نفسي وقتها اننا مسلمين
أجي لردود الناس في مختلف مجالات الحياه اشك وقتها احيانا انا مسلمين

ياخي همسه في إذنك من اخت اجلس بينك وبين نفسك للحظه وتخيل
ان زوجتك لا سمح الله (الله يخليها لك) ماتت فجاءه كذا من غير ميعاد ولا وداع
وقتها راح تقول ليت وماليت ليتني ماسمعت كلام احد وقلت لها شكد احبها اكثر من نفسي
ليه تبخلون على انفسكم بالمشاعر الحلوه بالحلال
وبالحرام الكل بياع كلام

معاد فيني اتكلم واقول القرار لك اول واخيرا وآسفه ع الإزعاج والإطالة