مساعده في اختيار البلاط
السلام عليكم ورحمة الله وبركاته
كيفكم ان شاء لله بخير
منذو مبطى ماطلبت شي علشان كذا لاتفشلونى ردو على
بسالكم ببلاط البيت بما انى ما اعرف ولا عندى سالفه فيه لا انا ولا زوجي
محتارين بين الرخام والسراميك
وطلع لنا ابو زوجي يقول البورسيلان اوفر من الرخام وماهنا فرق بشكل واحلى من السراميك>>الله يجزاك الجنة حنا محتارين بين الاثنين تطلع لنا بثالث
طبعا للدور الارضي فقط
وش رايكم وش الاحلى والاسهل بالتنظيف الرخام البورسيلان او السراميك >>>عجازه
والاهم شي النوع الزين من ناحيه الشكل والتحمل مو من بكره يطلع الى طافي باهت
وش الصناعه الممتازة
واذا كان الرخام هل فيه فرق للدرجه هذي بالشكل يستاهل التكلفه والفرق بالمبلغ عن البورسيلان
لانى شفت بيت زميل زوجى بلاطهم مافيه للمعه وباهت واخرته يقول زوجي رخام وانا ماشوف فيه فرق
وهل فيه فرق بين الى فيه للمعه والى بدون للمعه بالتنظيف
لان واحده قالت لي بنسبه للسراميك انتبهى تاخذين بلمعه يتعب بكثر التنظيف
لاحد يضحك على اسئلتى لانى بجد ماعرف بالبلاط للذالك الى عنده اي خبره بالبلاط لايقصر على فيه يذكره الله يجزاها الجنان
والسلام عليكم ورحمة الله وبركاته
يرجى الابتعاد عن اللهجه المحليه وشكرا
__________________
سبحان الله وبحمده
التعديل الأخير تم بواسطة sunshine545 ; 12-01-2009 الساعة 12:04 PM