آه يالقهر ..

بدخل في صلب الموضوع بدون اي مقدمات ..

اليوم الظهر رن جوال زوجي ثلاث مرات .. وهو كان يسبح .. المهم .. شفت الجوال .. إلا رقم من الخارج بدايته [0963] وعليه إسم (جنون) ..

جن جنوني .. بس سوووويت نفسي راليكس .. وطلع من الحمام .. وأنا كنت أتصنع الابتسامه .. وقلت له .. جوالك رن ثلااااااث مرات .. شاف الرقم وحط الجوال .. قلت له .. من هذا اللي متصل ..؟
قال لي .. واحد من ربعي ..

قلت له .. أووووكيه ..

ولبست وقبل لطلع .. قلت له .. تامرني على شي قالي سلامتك قلت له .. حبيت أقولك شي قبل لطلع .. قال .. إللي هو ....... قلت له ... ترا المتصل مش نافعك !!

أبتسم وتغيير لون وجهه وقال ... من اللي متصل ..؟

قلت له .. أنت أدرى ...؟؟

قال ... قلت لك هذا صديقي ....!!

قلت له طيب ممكن تتصل على الرقم وتحط سبيكر ... قال وإذا طلع وااااحد وش اللي أسويه فيك .. قلت له ... اللي تبغيه .... قال لي .. أبغيك تروحين بيت أهلك !!!!!! قلت له .. طيب مومشكله أنا موافقه ....
ضحك وقااااااالي ... روحي الله يحفظك وتعوذي من إبليس .... المهم ... طلعت من البيت ولاأتصل ... وأتصلي على الجوال وتناقشنا في نفس الموضوع وقلت له .. إذا أنت تكلم فكني وطلقني ....!!
قال لي .. كل ماصارت سالفه قلتي طلقني ... صدقيني بسويلك اللي تبغينه بس خل أبوك يرجع من السفر بكره إن شاءالله ومالك إلا طيبه الخاطر ..

قلت له ... عاااادي .....

قعدت لحااااااااااااااااااااااااااااالي .. وأنفجرت من البكا .... لي أرتحت شوووي وأتصلت وقلت له ...

شوف ياإبن الناس ... أنا بخيرك بين أثنين ... ياأما أنــــــا .. أو .. سفراتك ......


قالـــــــــــــــــــــــ لي ...


طبعاً ...











سفراتي !!!!!!!!!!!!!!!!!!!!!!!!!!!!












وأقسم لكم بالله ... أني كنت في الشارع اسوووووق السياره ... ماحسيت في نفسي .. إلا وانا ميته من الصيااااح ... كان منظري يكسر الخاطر ....

لأن قال لي كلام يجرح ...

قال لي ..

مادام مابيني وبينك عيال .. يكون الطلاااااق أحسن .... والله العظيم أني أحس أن كل هالدنيا جات على صدري .. وماقدرت أتنفس .. حسيت بضيقه في صدري مايعلم فيها إلا الله ...

وقال لي .. شوفي عندي يوم الخميس شغل مهم في البحرين ... ولازم أروح وبعدها بروح لبنان !!

قلت له .. أقسم لك بالله .. أن هذا الأمر في إيدك للحين .. وأنت وضميرك .. ياأما أنك تسافر يوم الخميس وأعتبر نفسي مطلقـــــــــــــــــــــــــــه ... أو أنك تجلس وتنسى موضوع السفر ... فقال لي .. عندي أشغالي في الخارج ... وماجابته أمه اللي يمنعني ..!!

كان رده قاسي قاسي قاسي قاسي كثير ...


أحس الحين أني أكرهه ,, وأكره طاريه ... من بعد ماكنت أموت فيه ...

الوحيده اللي تدري هي رضيعتي .. قالت لي .. شوووفي فكري فيها .. لأن كلمه مطلقه مش سهله في مجتمعنا قلت لها ألزم ماعلي صحتي ونفسي وراحتي .. قالت لي ... أنتي تعرفين أخواني أنهم بيمنعونك من أنك تسويقين سياره وتشتغلين يعني بيقعدونك في البيت ..قلت لها والله عادي .. بس أهم شي كرامتـــــــــي ..

قلت لها ,,

أنا بخليه لي يوم الخميس ياأما يساااااافر وأكون مطلقه .... أو أنه يعقل ويتم في ديرته ..!

وقال لي .. قبل لاتسووووين أي شي .. تأكدي انها بنت ... ولاتظلمين ... قلت له ماأظن أني بكتب على أسم صديقتي أسم [محمد أو راشد ] وبقولك والله هذي وحده من ربعي .. وعلى ماأظن أن اسم جنون بنت مش ولد وبعدين لوكنت صادق ليه مااتصلت بكل ثقه!!!





أرجوكم ..


أبغي مساعدتكم اليوم أكثر من أي وقت مضى ... لأن طلاااااااقي مابقى له إلا أسبوع!!

ونسيت أقولكم ..

قال لي باخذ كل شي بإسمي وبمشكلك في قضايا وأشياء كثيره .. قلت له .. هذي نذاله .. قال لي ... أي نعم أسمها نــــذالـــــــــه .....