اقتباس:
المشاركة الأصلية كتبت بواسطة رهااف 30
مرحبا حظي
سبق كلمتك و قلت لك اللى عندي بالخاص وبينت لك الواقع ..
بس يبدو انك مااخذتى بكلامى ..
وهذا يدل انك ماتبغى حل ، انتى فقط تفضفضين و تفكرين بصوت عالي افكار ماراح تنفذيها ..
مشكلتك ماقول مراهقة لا ، غير ناضجة و لا راكزه مع احترامى الكبير لك ..
حتى تصرفاتك مو تصرفات وحده لها عمر بالحياة
ولا حتى تفكيرك تفكير ناضج !
انتى واقفه عند عمر معين و لا تجاوزتيه ..
اولا : لازم يكون عندك يقين تام ان كل شي قضاء وقدر و لابد من الايمان فيه
مو شرط كل اقدارنا تتشابه يعنى مو عشان البعض تزوج انا اتزوج و مو عشان البعض تطلق انا لازم اطلق وهكذا ..
ثانيا : السعى لاي امر ، عشان يكون سعى مثمر و ناجح لابد يكون وفق المعطيات اللى عندنا ..
اغلب سواقين كريم صغار بالعمر فما اظن عرض الزواج عليهم فيه نتيجة لك ، مثله مثل المشهور الصغير اللى كنتى بتعطيه فلوس ..
وخاصه اذا كان عازب مو متزوج ..
يعنى باختصار نزلي سقف تطلعاتك وخليك واقعيه وارضي ، دام انك عندك جرئه تعرضي الزواج على شخص ، فاعرضيه على متزوج و قريب من عمرك او اكبر ، اقبلي بالتعدد مافيه اى عيب ...
ثالثا : كلمى خطابات وياكثرهم بتويتر و معروفات
يعنى اتخذي خطوات معقوله وراكزه ، بلاش اساليب الطريق ترى بيفهمونها غلط ..
او كلمى احد اخوانك او زيجان خواتك عادي يعرضونك على اللي بشوفونه مناسب ، وتنازلي عن بعض الحقوق دام انك مو ناقصه مادة ..
رابعا والاهم ؛ تصرفاتك وحياتك خليها على قد مكانتك و عمرك يعنى بعقل و رزانه ، مو اطلع بالدس و من ورى اهلي و مادرى ايش !!!! منتى مراهقه انتى ... المفروض انتى شيخة البيت و كل شي بامرك و لك احترامك .. < لكن يبدو انك فعلا واقفه عند سن معين و ماتجاوزتيه وعاجبتك تصرفات الدس و الخفاء ...
تقبلى كلامى بصدر رحب ،..
|
أوافق رهاف في كلامها
والله ياصاحبة الموضوع إنتِ عمرك 44 سنة
كيف تخلي أهلك يتحكموا بحياتك !!!
لاتقولي ماتبي تتكلمي في الموضوع ،
عادي لو منعوكِ من شيء ذكريهم انه عمرك 44
مو صغيرة ولا مراهقة !!
وإنتِ كمان حاولي تطوري من نفسك ومن شخصيتك وتصرفاتك
حتى يشعروا فعلا إنك كبيرة وتجاوزتي مرحلة المراهقة من زمان !!
ترى بعد 6 سنوات بتكوني 50 سنة .
العمر راح و إنتِ في نفس الدائرة بتدوري ..
أهلك على العين والراس لكن هذي حياتك و القرار لكِ.
ومثل ماقالت رهاف ، تنازلي عن بعض الحقوق او الشروط
الشي اللي تشوفي نفسك تقدري تمشي حياتك بدونه تنازلي عنه
لازم تجلسي جلسة واضحة مع نفسك !
وأرجع أقول الخطابات مو كلهم سيئات
فيه اللي منجد هذا عملها ومصدر دخلها وصادقة وحريصة على سمعتها !
لكن يبالك طولة بال وصبر وانتِ تبحثي.