حياك الله اخي واضح انك تحب زوجتك وانها بنت حلال طيبه تحاول تتحملك ع قد ماتقدر بس لان عصبيتك اقوى بكثير منها هي تفكر ف المستقبل معاك كيف راح يكون لو كملت في هاد العصبيه !!!!!!
شوف والله والله والله لو ايش تقولي انك بركان عصبيه مو زي انا وخطيبي لما نكون نتكلم مع بعض وكمان لنفس الاشياء اللي تقول عنها يعني اشياء تافهه وهاد اثر كتير جدا ف نفسيتي ونفسيته هو كمان وصرنا نشيل ع بعض كلام بعض
بس دحين بدات اجرب شي لما تعصب من زوجتك قولها بعدين اكلمك وقفل ع طول لا تكمل معاها كلام ابد ابد ابد واذا كنت قدامها وعصبت قولها بستأذنك ولا تزعلي ما ودي اجرحك بكلام انا متضايق واخرج بره لان لما تكون هي قبالتك او معاك ع الجوال بتصير تقول كلام ازود و و و و و وهي حرام ما تقدر تسكت كمان بتقول كلام و و و و وتصير حكايه طويله عريضه انا بدات اجرب هاد الشي ونفع معايا لما تهدى وترتاح دق عليها وارجع كلمها عادي لاتفك الموضوع مره ثانيه واذا صار مثلا وان هي سالتك عنو قولها اللي متضايقك بااختصار وقولها ماابغى نتكلم ف الموضوع لانو بيضايقني او بيعصبني هي راح تتفهم واهم شي لا سكرت قوم غسل وجهك بمويه بارده عشان الغضب يروح واتعوذ من الشيطان وغير جلستك يعني اذا واقف اجلس اذا قاعد قوم اوقف كذا وان شاء الله بينصلح الحال يارب ويصلح حالي معك اللهم امين
كلامها عين العقل صح لسانك مااضيف شي لانها كفت وفت يعطيها الف عافيه