منتدى عالم الأسرة والمجتمع - عرض مشاركة واحدة - كيف اتعامل مع طفلي بعد طلاقي
عرض مشاركة واحدة
قديم 11-01-2017, 10:12 AM
  #16
أم الغالي1406
عضو نشيط
تاريخ التسجيل: Aug 2016
المشاركات: 140
أم الغالي1406 غير متصل  
رد: كيف اتعامل مع طفلي بعد طلا

اقتباس:
المشاركة الأصلية كتبت بواسطة غرناطة مشاهدة المشاركة
طيب ياقلبي ليش ضايق صدرك؟
كلام أطفال، مصيره بيكبر ويعرف مين اللي احتواه ومين اللي أهمله
لأنه جالس معك ويحكي معك يقول هالكلام
لو هو عايش مع والده كان وجه له هالأسئلة

أم الغالي الله يحفظ لك غاليك
لازم تشغلين نفسك بشغل بالبيت أو برا
لأنك تفكرين بزيادة وهالشيء مرهق ومتعب لك نفسيا وجسديا
بكره يجيك قولون بسم الله عليك أو ضغط

اشغلي نفسك عشان هالمواقف الصغيرة ماتكبر بمخك

ياعمرري انتي
صح انه كلام اطفال بس يعور القلب
ويمكن اي ام مطلقه وعندها اطفال ويتسائلون مثل هالأسئله
طبيعي راح تتأثر
وخاصه لو كانت تسعى قد ماتقدر
بأنها توفر له حياه مريحه
عشان يكبر على نفسيه مستقره
وانا كتبته بوقتها قلت لو احد عنده أفاده
ومن باب الفضفضه
وبالعكس الحمدلله انا راضيه تمام الرضا بما كتبه الله لي
والحمدلله من فضل ربي موظفه
ومعيشه ولدي بأستقرار وراحه ماشاءالله
ومنشغلين بحياتنا ولله الحمد
بس ماانكر اني اتأثر فعلا من كلام ولدي
ويعورني قلبي عليه 😿

ومثل اليوم أستغربت اول ماصحى الصباح
قال ماما حرام عليك ليش ماتخلين بابا يروح معنا الاوتيل
هو زوجك حرام عليك
قلت ياحبيبي انا وش قلت لك اول
مو قلت لك انا وبابا تطلقنا وانا وبابا مرا نحبك عشانك ولدنا
قال طيب انتي تحبين بابا
قلت اكيد ياحبيبي احبه عشانه ابوك
قال بس ليش انتي وبابا كنتو بس تتطاقون
قلت ياحبيبي احنا كنا نتطاق عشان كذا تطلقنا
قال بس بابا ياويله من ربي
لأن بس يهاوشك ويطقك ويطلقك ربي بيحطه بالنار
لأن حرام اللي يطلقون
بصراحه ماتوقعت ابد يقول مثل هالكلام
والمشكله انه كيف نسى كل الذكريات الحلوه
وماتذكر الا هالمواقف
مرا والله رحمته
وهالكلام اللي قاله مر عليه تقريبا
سنه ونص سبحان الله كيف للحين يتذكره ماشاءالله عليه
وكان عمره تقريبا 4سنوات
قلت له تعال ياحبيبي ومين قالك الطلاق حرام
عادي كثير ناس يتطلقون عشان يرتاحون من المشاكل
وشفنا انا وبابا نحبك ونجيب لك هدايا
واول ماتقول ابي بابا اوديك له
واول ماتقول ابي ماما اجيبك عندي
وحتى لو تبي تروح تنام عند بابا اخليك ياحبيبي تروح
واذا تبي تنام عندي ابنومك بقلبي
واشوا سكت وراح يلعب
بس والله بعد كلامه هذا دخلت غرفتي وجلست ابكي مدري ليه
وحمدت ربي انه ماكان احد من اخواني جالس
وسمعه يوم يقول بابا طقك
مدري وقتها وش بيكون موقفهم
وانا احاول قد مااقدر اطلعه الانسان الكفو قدام اهلي
عشان ابيهم يعاملونه كويس مهما كان بيظل ابو ولدي
والمشكله أنها كانت المره الاولى من يوم تزوجنا اللي يمد يده علي
وللأسف انها كانت قدام ولدي وعمره ب الاربع سنوات تقريبا
وتوقعت بوقتها انه مو فاهم شي بس للأسف عدت الحين سنه ونص
وولدي فاجأني اليوم انه يتذكر هالموقف بكل تفاصيله
__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

التعديل الأخير تم بواسطة أم الغالي1406 ; 11-01-2017 الساعة 10:20 AM