المشكلة انه هو يقول خلاص راح اسفرهم وباعدهم عني ومالي اي علاقة فيهم ولما اجي اسأله طيب والبنت الصغيرة يلي كنت تقول كل شيوي بنتي بنتي كيف راح تتخلى عتنها بهل السهولة يسكت ومايقدر يتكلم
احسن انه عم يتلاعب مرة ثانية بالموضوع يعني يسفرهم ويظل هو مسؤول عنها وعن امها لان هو مقتنع مليون بالمية انها بنتو مافي بني ادم يقدر يستغنى عن بنتو كرمال زوجتو
يعني انا حاسة انو هو عم يضحك علي بس حتى يرجعني وبنفس الوقت راح يظل يطمن على البنت وامها ويظل مسؤول عنهم والله اعلم الايام الجاية شو راح تخبي من مشاكل
هو قدام اهلي بيقول خلا ص انا راح اسفرهم مالي اي علاقة فيهم لكن لما انا اسأله واقول له لاتحاول تخدعني مرة ثانية واذا اكتشفت بيوم انكم لسه الك اي علاقة فيهم ماراح يصير خير فياريت تفكر بكلامك وتكون شجاع واذا لسه براسك ومفكر ومخطط انك تصرف على البنت وامها حتى بعد مايسافروا فأنامستحيل ارجع

عم يحسسني انو هو بدو يا ني بس كرمال والدتو طلبت هل الشي بس كرمال اهلي بس كرمال انو راح يلاقي وحدة تساعدو بالمصاريف لان انا بسد عنو ديونو وهو يصرف على هديك وبنتها يلي مابعرف اذا كانت بنت زوجي ولا لا فقولوا انا شو جابرني على هل الشي اهلي لما يسمعو كلامه بقولوا هاي الرجال مقتنع مية بالمية شو بعد بدك اكتر ولا انتي حابة تطلقي

والله اني محتارة وتعبانة ومو عارفة شو بدي اعمل

يارب تفرجها علي يارب دخيلك مالي غيرك بهل اليوم الفضيل يوم عرفة يارب تخلصني من الموضوع واذا كان طلاقي منو خير تيسر الموضوع وتفرجها علي وتصبرني وتصبر اهلي واذا شر يارب تصفي القلوب وترجعنا لبعض
امانة امانة امانة كل شخص يدعيلي بهل اليوم انا متحاجة دعواتكم