المشاركة الأصلية كتبت بواسطة زين ابيها

هههه خبرة لأني بحرينية ...
مراسي يقدرون يسبحون فيه و كذلك ساحل المالكية
الفرق بين مراسي و المالكية
ان مراسي ايضا فيه اجانب .. يعني ممكن تشوفينهم لابسين قطعتين..
والمالكية 99% من زواره بحرينيين

بخصوص المجمعات

فيه الستي سنتر - وهو اكبر مجمع في البحرين
و فيه واهو للألعاب المائية في الطابق الاخير
وفيه اغلب المحلات متوسطة السعر
مثل مانغو و زارا .. وفيه العاب للأطفال
واغلب وجهة الناس له

مجمع السيف و العالي - جنب بعض
وايضا حلوين واكعثر هدوء من الستي

مودا مول - مجمع فيه اغلب الماركات العالمية
😆 يحتاج ميزانية اكثر من محترمة

المارينا مول و الدانة و مجمع البحرين - مجمعات عاديه
ما فيهم عامل جاذب ما انصح بزيارتهم .. مضيعة للوقت

مطعم مرمريز اللي قالت عنه حوري بالنسبة لي ما احبه
وما اروح له الا اذا فيه قوة قاهرة .. مثلا اذا بنتجمع احنا البنات و كلهم اجمعوا عليه ساعتها ما اقدر اخرب طلعتهم
اكلهم ابدا ما يعجبني ابدا ابدا


بس ارجع اكرر حبيبتي ابراءا للذمة اي مطعم تروحين ضروري تسألينهم اللحم والدياي وين مذبوح
لان وايد منتشرة اللحوم اللي مو مذبوحة ذبح اسلامي