المهم ريحت وسويت لنفسي اندومي لانهم اكلو عني وهيك

اكلت الحمدلله وقعدت معهم على الساعه 9 ونص ليلاً جاني ماريو يسولف معي وكيذا وقالي انه زيي ضاع اول ماجاء هنا
قلت يارجال الطرريق صعب

المهم ضحكو وجو هروسيات ويسولفون الخ الخ (( مشفرررر ))

واليابانيه وتسولف وكلن يسولف وماريو صديقي الداشر عايش جووه

وكلن فالها انا ياربع مااخفيكم اني كنت مبسوط ومنطلق معاهم بي الانجلش واحمد ربي ان عائلتي وسيعين صدر ولا بعض العائلات تغثك
وقالت امهم بكرى كل واحد فيكم يسوي لنا اكله وش رايكم قالو موافقين

المهم فيه وحده من هروسيات معهدها قريب من معهدي وقلت لها تكفين بكره برجع معك .. قالت طيب

رحنا بكره المعهد وتعرفت على كلاسي وعرفت معهدي

واسم معهدي اوكلاند لانجوج سكوول

وحطوني مستوى انتر ميدياد ... تعرفت على زملائي الطلبه وقعدنا سولف وهيك

المهم اننا بدينا بشرررح وخويكم ضايع مدري شلون حطوني بهل المستوى افهم واقدر ارد بس مشكلتي في الرايتنق والقرامر شوي
المهم جنبي واحد مكسيكي ووحده المانيه والله ياهم يتفلسفون فلسفه ويذووبن كلمات قوويه


الله يخلف علينا يالله الواحد يجمع كلمتين

راح الوقت وجاء وقت البريك و طلعت برى ..
واسولف مع الاستاد حقي الي الى الحين مدري وش يحس فيه

تخيلو زوجته تصرف عليه هو وسسسيم مره وزوجته ركبه والرجال ضاحك عليها ماعلينا

الرجال تدريسه مره اوكييي وانا مره متسوعب الكلام الي يقوله

راح الوقت وخلص اليوم الدراسي .. ورحت تغديت في المترو (( المترو عباره عن مجمع مطاعم ))

دقيت على تريسي الروسيه قلت لها هاه وينك قالت تعالي عند كوافير
اخسس كوافير قلت طيب بجي
ورحت الا وش شفت الاخت جالسه وهيك
وقاعده تزين شعرها قلت لها شو عندك قالت عشان الحفله اليوم قلت لها اييييييييييه حفله


قالت خذ الاكياس هذي وخلها معك ... تخيلو عاد وش هل الاكياس (( بطول خمرر )) اعوذو بلله
قلت لها وش تبين فيه قالت احنا بنشرربه قلت لها مين انتم قالت احنا والعيال والبنات انا سكت على اساس مادخل معها بتفاصيل
وتحجر لي


خلصت الاخت وكنها رايحه لعرررررس


###


مشينا وكان فيه هواء وبرد حسيت انها بردانه .. قلت يارجال عطها الجاكيت على اساس اسوي نفسي ذوووق

قلت لها خذي الجاكيت قالت ليه ..قلت عشان البرد قالت وش تحس فيه مو برد مابي شكراً

انا وجهي صار كيذا <<< هههههههههههههههههههههههههههههههه صغييير

المهم سلكت لعمري وقلت والله اليوم صايره حلوه وانواع الترييش .. المهم البنت انبسطت وماصدقت اني مدحتها

قلت معقوله ماقد مدححك احد وهيك قالت انتم يارجال مايبين بعينكم هههههه

قلت اييهي الله يستر من نهايتها وش بيصير عاد تخبرون ياعيال انا قلبي رهيف وحنون مره

قلت لها ماعليك فيه الي تقدر بس منهي الي تستاهل

المهم ركبنا هل الباااااااااص المخييييييس وانا حاقد على الطريق ابي احفض مع وين رحت ومع وين جيت يعني ابي اثبت المكان

وصلنا وحفضت ام الطريق ... وارتحت بعدها اني صرت عارف الطريق



وصلنا البيت ولقيت العيال سابقيني كلعاده


المهم كلن مسوي اكله وانا اقول في نفسي وش اسوي وش اسوي اثررري معاي تمررر وجبت زبده


واحمسهم مع بعض يعني سويت قشط الي يعرف القشط

سويته وحطيته المهم جاز لهم وبدينا
ميشيل صارت تفك الشراب وتشرب وبناتها نفس الشي والبنات والعيال كلهم وجاء دووري قالو لي اشرب


قلت ايييييييييييييه فيها شرب الدعوى قلت لهم طيب طيب بس مو الحين انا جوي غير << نصاب

قعدت معهم لين سكرو وصارت حركات هيك وهيك وانا قاعد من بعيد وافترج

###

الا شوي يجي البوي فريند حق ميشيل ويسولف ويوم دررررى اني سعوديييييييييييي ايييييييييييييييييييييييه
جلسنا كلنا وصار يسولف لنا عن السعوديه وقام يسألني وصار كل الاسئله علي


انا بيني وبينكم مابي كيذا ابي اسمع يعني لسينق بس

انتم بسعوديه فلوسكم كثير << مره

بعدين قال ليش ماتستفيدون من حرارة الشمس عندكم وتسووون مسبح كبيررررر وتأجرونه طبعاً الرجال سكران وقاعد يطقطق على راسي
وانا اقوله صح صح فكره حلوه ماعليه بشتغل عليها

###

قالي ورني صورة اختك قلت وشو قال اختتتتتتك << انا موحقدت الا قلت في نفسي وش اسوي بهسكران

قلت له يبن الحلال مايصلح قالي ليه قلت احنا ماعندنا هل الكلام قالي ليش هي مرتبطه

قلت ياليل ذا الي مايفهم شلون اعلمه سكران واشرح له على الدين والاسلام


قلت شف مامعي ور بعدين اوريك


انا يوم شفت الوضع كل ماله ويصير بايخ تعشيت وررررررحت نمت وخليتهم


يتبع