منتدى عالم الأسرة والمجتمع - عرض مشاركة واحدة - ساعدوني بالنصيحه فاولادي يطلبون مني الطلاق من والدهم
عرض مشاركة واحدة
قديم 27-05-2006, 03:59 PM
  #3
يقولون متزوجه !
عضو جديد
تاريخ التسجيل: Jul 2005
المشاركات: 14
يقولون متزوجه ! غير متصل  
اختي الكريمه فيافي نجد جزاك الله خير على الرد
بس اود ان اوضح لك شي... صحيح زوجي يسمع كلام خواته وممكن يسوي اللي قلتيه
بس انا وقتها ماراح اكون طيبه ولا راح اقول حسبي الله ونعم الوكيل واقعد ابكي على حالي لاوالله
انا ابكي لحالي وبس لكن المساله اذا تخص عيالي والله غير اكون وحش كاسر ولا راح اسكت
انا يا اختي وضحت اني في دوله الحق فيها مع المراه يعني انا لو تطلقت عيالي معاي والبيت
لي يعني ماراح يتغير شي ابدا انا وعيالي بنظل في البيت والزوج هو اللي يطلع من البيت
وفوق هذا مجبور يصرف علي وعلى عيالي وعلى الخدامات بعد
ويصرف علي لاني اربي عياله وطالما اني ماتزوجت فالبيت والعيال من حقي وهو عليه النفقه
يعني الطلاق لصالحي ولصالح عيالي
وهو مو في صالحي في حاله واحده بس اذا انا تزوجت لانه بتسقط حضانتي عنهم
لكن عمر الطلاق ماراح يكون فيه ضرر لا علي ولا على عيالي بس انا متردده وخايفه
قبل كنت متردده علشان عيالي بس المشكله عيالي هم اللي يطالبون بالطلاق ويبون راحة البال
وعني انا والله ياليت اني انا اللي متضرره منه وبس والله غير اصبر طول عمري
وياليته يحب عياله ويهتم فيهم وانا مو مهم عادي عندي
لكن للاسف اللي مااقدر اتحمله ان عيالي يحسون بالظلم والقهر من ابوهم وعماتهم
وانا احس بدري عليهم يحسون بالحرمان كاسرين خاطري انا عشت مرحلة طفوله سليمه وهم المساكين يعانون من صغرهم ماعدت احس انهم اطفال احس انهم اكبر من سنهم واحيانا احس انهم اكبر مني بعد في تفكيرهم

يعني مشكلتي ان راحتي وراحة عيالي بالطلاق بس انا ماودي يصير طلاق ادري من حقي كل شي بس مادري محتاره وتعبانه وعيالي تعبوني وانا ودي اسعدهم واريحهم وودي اعيش واياهم بسلام
وودي يعيشون ويتربون بجو طبيعي وودي اربيهم بدون تناقض
بس محتاره كيف اتخذ قراري !! وكيف اتصرف !!!
احس اللي يفكرون فيه عيالي شي كبير بس المشكله هم اللي عايشن المشكله وهم اللي يعانون !!
وانا حاسه فيهم وانا عني مستعده اصبر واصلا ماكنت احترت وتعبت بس اللحين المساله ماتخصني وبس تخصهم كلهم وانا علشانهم اسوي المستحيل واعيد حساباتي بس بعد متردده وبعد مخربطه وتعبانه واصبرهم بس وربي احس بدري عليهم ينقهرون ويعانون ماني عارفه وش الحل والتصرف السليم وهم حاطين كل املهم فيني اني انا المنقذ لهم
دلوني وش الحل وكيف اتصرف ؟؟؟
اتمنى تساعدوني ؟؟