السلام عليكم ورحمة الله وبركاته



بصراحة هذا الموضوع متعبني كثير ،، وحابة اسمع نصايحكم فيه،،،


لأني مثل ما تعودت منكم ،، اراءكم ماشاء الله سديده وافكاركم حلوة


*************************


انا من النوع اللي ما اتكلم كثير وما اعرف اتكلم اصلا مع احد ابدا



حتى صديقاتي



يعني لما اجي اتكلم اتخربط واتلعثم واقوم الدنيا فوق تحت





المشكلة مو عيب خلقي ولا شي




المشكلة في الكبت الزايد لنا عن الكلام واحنا صغار والى فترة قريبة





قبل شهر تقريبا تقدم لي خاطب







طبعا من الربشة دخلت وحالتي حالة




لا سلام ولاكلام






منزلة راسي بالأرض من يوم ما دخلت الين ما خرجت







يسألني ماقدر اجاوب ،، يكلمني ولا انا هنا ،، مكانك سر









بصراحة احس الدم نشف في عروقي





فمي ماني قادرة افتحه عشلن اتكلم







احس اني كلي اتنافض من رهبة الموقف ما ادري ليش








طول الوقت وانا قاعده ابتسم و اناظر ابوي ما اناظره هو ،، يعني كأني ابي اقول لابوي قومني يللا





وآخرتها ،،،، قمت وتركت لهم المجلس بدون استأذان






حتى وانا امشي اعصابي متجبسة كأني منتحوتة من صخر






لأني بصراحة في حياتي ما تعودت اقابل احد





حتى اهلي وصديقاتي






المهم طبعا هذا الشخص ما عجبه هذا الوضع ،، شكله قال في نفسه اللي هذا أوله ينعاف تاليه



وبعد كم يوم اعتذر عن الموضوع





انا طبعا ماني راضية عن وضعي هذا




واعرف انه شي زايد عن اللزوم وماله داعي






لكن والله انه خارج عن ارادتي ،، لاني مثل ما قلت ما ني متعوده اققابل احد



والمشكلة ان ابوي اللي كان ما يعطينا مجال نتكلم .. يقولي ايش فيك خرسه ،، مدخلين للرجال صنم


يعني ما ادري اشلون اقدر اني اتكلم فجأة وفي موقف زي ذا



الحين كيف اقوي ثقتي بنفسي ؟؟




وكيف اترك هذا الخجل الزايد اللي ماله داعي؟؟؟




وكيف اقدر ارد على الاسئلة اللي تتوجه لي في مثل هذا الموقف العصيب؟؟؟



علموني كيف ارجوووووكم ،،


مع خالص تحياتي







اختكم رفيعة الشأن <<<< عسى ان شاء الله الله يرفع من شأنها آآآآآآآمين