منتدى عالم الأسرة والمجتمع - عرض مشاركة واحدة

01-12-2016, 03:34 PM

#90

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: الشامبو ، سم مدمر

عدنا بعد تجربة صنع ماء الورد في المنزل.

طبعاً لو كان عندي الجوري الطايفي كنت استخدمته لأني وايد أحب ريحته .. بس للأسف ما عندي حالياً.

فرحت محل الورد واشتريت ورد جوري أحمر .. مع الفارق في الرائحة طبعاً.

رجعت البيت وطبقت طريقة لوفتي اللي ذكرتها هني .. وصفّيت ماء الورد وحطيته في زجاجة.

اللي صار إن ماء الورد طلع أحمر جداً .. وفكرت إني لو استعملته بالبخاخ على وجهي مثلاً فبعض الرذاذ بيتطاير على ملابسي ويبقعها.

فدخلت على يوتيوب وعملت بحث عن طرق أخرى لعمل ماء الورد .. وشفت مقطعين على السريع .. ولقيت إنهم يحطون طبق عميق في القدر اللي فيه الماء الحار وورقات الورد .. ويتم وضع غطاء على القدر .. بحيث إن القطرات اللي تتكون على سطح الغطاء تتساقط في الطبق العميق .. وهذا يكون ماء الورد .. ويكون لونه فاتح جداً أو بدون لون تماماً.

بس في المقطعين مستخدمين ورقات ورد لونها أبيض أو وردي فاتح.

فما أدري الحين هل الخطأ إني استخدمت ورد جوري أحمر؟ .. وإلا في مشكلة في تطبيقي؟ .. وإلا أساساً عادي يطلع الماي بهذا اللون؟

لأني أبداً ما حبيت إن الماي يكون لونه قوي لهالدرجة.

__________________

اللهم طِيبَ الأثر .. وحُسْنَ الرحيل.