كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: شعوركم عند مشاهدة صور الذك
يا هلا بالموضوع العسل متل صاحبته
انا بالعكس تماما متعلقة كتير بالصور وبالذكريات
يعني اذا انمسحت صورة بالغلط او ضاعت ممكن اعمل حفلة بكاء درجة اولى
قلبي مولع بالصور وبكل ذكرياتها وتفاصيلها
دايما بحب ارجع شوف الصور القديمة حتى عندي صور لايام المدرسة انا وصديقاتي بين كل فترة وفترة برجع برسلهن ياها ونسترجع الذكريات
ونفس الشي لاخواتي واخواني واهلي واقربائي بنصير نرسل الصور عالجروب ونرجع نعيد الاحداث والذكريات كأنها حصلت البارحة
واولادي عندهن كاسيتات فيديو وصور بالالاف
وعندي خوف دايما انو يجي يوم ويختفوا الصور ومرات بفكر ممكن بحريق او اي شي يختفوا وبقول ليش ما بساوي صندق خشب ومن بعده صندوق حديد لاحتفظ فيهن
يعني بحافظ عليهم متل ما بحافظ على نفسي
ومرة بالغلط انمسحت الصور من تلفوني وشافني زوجي بحالة هيستيريا وكاني فقدت روحي لبعدين طلعوا بعدهن بالذاكرة ورجعت نقلتهن كلهن وما تتصوري كيف كان شعوري بس رجعت شفتهن
حتى بابا نفس الشي بتذكر نحن وصغار كنا نلعب بالصور ويقلنا ما تنزعوهن خلوهن ذكرى
بس ما كنا بوقتها نعرف شو قصده
لكبرنا وعرفنا المقصد
حتى وقت كنت مخطوبة قبل زوجي ووقت انفصلنا رحت قصيت صور خطيبي السابق وتركت صوري وصور اصحابي واحتفظت فيهن
لانهم بيضلهن جزء من حياتي وبحب اتذكر كل شي مر
وبرأي دايما اللي راح كان اجمل ولحظات مستحيل ترجع الا من خلال ذكرياتنا اللي براسنا وومشاهدتها من خلال الصور
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه