السلام عليكم ورحمة الله وبركاته

الأخت الخميصاء

طهوراً إن شاء الله

حبيبتي انا مثلك تماما ارتفع السكر في الثامن لكن مواعيد المستشفيات الحكومية خلتني اتأخر شوي عن الحمية " موعدي بكرة أن شاء الله مع " دكتورة التغذية والحمية ودكتورة ودكتور ماادري عن تخصصاتهم لكن الأكيد ان واحد للسكري واحد للنساء والولادة" .وللأسف انا اليوم دخلت التاسع يعني راحت على الحمية في الشهر الثامن .

لكن امس رحت لمستشفى خاص لآني تعبت شوي وراح اقول لك كلام الدكتورة " اول شي سألتني عن مستوى الزيادة في السكر . وبعدين سوت لي السونار وقالت اهم شي ما يأثر السكر على وزن الجنين ولا على الماء المحيط بالجنين لانه راح يتعبني في الولادة . لقيت وزن الجنين 3 كيلو وبصراحة انا خفت لما قالت لي 3 كيلو قلت لها يعني التاسع كم يزيد قالت : بداية التاسع كويس هذا الوزن لكن اهم شي الحمية واكدت مليون مرة على الحمية " لانه قابل للزيادة بسبب السكر
طلبت منها حمية ابغى اتأكد من الأشياء إللي امتنعت عنها قالت لازم تشوفك دكتورتك اللي تتابعين معها ودكتورة تغذية ودكتورة السكري (( واهم شئ امتنع عنه السكريات أما النشويات فبكمية بسيطة جداً واخذ الحليب واللبن قليل الدسم والمسموح الخضروات والفواكة والخبز الأسمر " رغيف في اليوم " .
وسألتني تعرفين الفواكة الممنوعة " المنجا والموز العنب التمر " وماقالت البرتقال وحتى اختى لما جاها سكر الحمل ما قالت لي شئ عن البرتقال والأفندي .

على العموم راح اسأل الدكتورة عنها لاني طايحة في الأفندي .

وانصحك التزمي بالحمية عشان وزن الجنين و الماء المحيط فيه " اختي ولدت عملية بسبب زيادة وزن بنتها " وانصحك تروحين تأخذين الحمية من المستشفى لأنهم ادري بنسب السعرات اللي انت في حاجتها .. لآن فيه اشياء لازم تأخذيها بكميات محددة .

اسفه على الإطالة لكن حبيت افيد بالي اعرفة لانك نفس حالتي.

اسأل الله أن يحفظك وجنينك وسهل عليك وعلي الحمل والولادة وان يشفينا اجمعين .

هذا والله اعلم