يا بنتى ما تتسرعيش يمكن فيه ظروف ولا هو ما لهوش نفس يتكلم مع حد دلوقتى اصبرى شويه
انتى عارفه انا حاسه انك انتى الغلطانه انك مهتمه باتصالاته زياده عن اللازم بشكل مبالغ فيه وبعدين نيلتى الدنيا باللى عملتيه ....ايه التسرع ده طيب الراجل ما ردش عليكى تقومى تطارديه بالمكالمات والمسجات بالشكل ده وفى الآخر تقولى له لو ما ردتش على يبقى هأفهم انك سبتنى واللى بيننا خلاص ايه كلام العيال ده انتى كده حطيتى نفسك فى موقف زفت طيب آهو ما ردش يبقى هتعرفى ايه اللى حصل ازاى بقى دلوقت
يا حبيبتى اركزى شويه ولو هو تقيل مره اتقلى انتى عشره ده انتى لسه فى الأول وبتقولوا يا هادى
بصى استنى اسبوع وبعدين خلى ابوكى يكلم ابوه ويطمن عليه ويعرف ايه الحكايه وانتى ما تتكلميش معاه ابدا