السلام عليكم ..
.
آنا سالفتي سالفة
ليت تفيوني جزاكم الله الف خير
آنا تزوجت 11 - 11 - 2009 ، آخر دورا جتني وقتها 3 - 1 - 2010
و كنت حامل .. و في الإسبوع الأول من شهري الثاني .. صار إجهاض !
و آنا ماحسيت ، لأنه قالوا لي لو نزل منك كتل كبيرة و دم كثير راجعينا ، و غير كذا كان ينزل مني دم خفيف !
راجعتهم يوم ثاني و قلت لهم طاحت مني كتلة حمرا .. و الدكتورة شافت شقد حجم الدم في الفوطة الصحية قالت هالكثر ينزل منك ؟ ، قلت لها ايه ..و فحصت لي عنق المهبل ، قالت ما حصل شي عنق المهبل ضيق .. ولو نزل منك دم كثير بحيث يغرقك راجعينا
طيب استمريت و كملت 3 شهور ولما رحت موعدي الأول ، أكتشفت انه مافي جنين !
,
و ظليت من مستشفى لمستشفى و سويت فحص سونار .. طلع مافي جنين بس في كيس و نصحوني اتناول حبوب تنزل الدورا ينظف لي الرحم و فسه وصفوه لي مستشفى ثاني ..
خذت هالحبوب و الحمدلله نزلت ! ، و عقب شهر هم ردت تأخرت .. و سوينا فحوصات النتيجة سلبية .. وردوا عطوني مثل هالحبوب ، خذته و نزلت ، و رحت حق طبيبة خاصة
قلت لها مشكلتي .. سوت لي فحص سونار و قالت لي الرحم نظيف وكل شي عندك سليم " هالدكتورة وايد يمدحونها "
وصفت لي حبوب آخذه من خامس يوم من الدوره ، وآخذه لمدة 21 يوم ، لمدة 3 شهور ولو حصل حمل أتركه !
طبعاً خذته لـ ثلاث شهور وكان كل شي منظم و تمام التمام ، آخر مرا كان في شعبان و نزلت علي أول يوم رمضان
و عقب كان المفترض تجيني أول يوم العيد ، وما جتني .. تأخرت علي .. سويت فحص حمل و كل شي .. طلع سلبي .. ونزلت علي عقب ما تأخرت ثمان أيام .. و الحين بعد تأخرت .. و المفترض تجيني 17 - 10 لو 18 - 10
و اليوم ثالث و للحين ما نزلت ..
مع العلم ما أحس لا بأعراض حمل و لا شي
و زوجي جداً متحسس من هالسالفة ويبيني أحمل بسرعة
ع قولته كل اللي تزوجوا معانا جابوا اولاد
.
ساعدوني .. بليز