منتدى عالم الأسرة والمجتمع - عرض مشاركة واحدة

04-02-2009, 06:08 PM

ماريا

عضو المنتدى الفخري

تاريخ التسجيل: Jul 2006

المشاركات: 10,538

فتة حمص من مطبخي بالصور

السلام عليكم كيفكن اليوم ؟؟

اليوم كان فطورنا تسقية او ما يسمى فتة حمص

لذيذة و سريعة و سهلة

المكونات

1 علبة حمص 400 غرام

خبز مقطع (انا استخدمت خبز لبناني مع أجنبي tiger chest)

طحينة حوالي 4 ملاعق

زبادي ( حوالي تلتين الكوب )

2 سن توم مهروس

2 ليمون معصور

4 ملاعق سمن

صنوبر للزينة

ملح

كمون

الطريقة

نقطع الخبز و نضعه في بايركس او غيره المهم صحن التقديم قابل للتعرض لحرارة الفرن

نضعه بالفرن ( من فوق ) حوالي 5 دقائق أو حتى يصبح مقرمش (انا نسيته شوي زيادة

)

في الآلة نضع الطحينة - الزبادي - الليمون - التوم -3/2 تلتين كمية الحمص - رشة كمون - رشة ملح و نكمل بكمية من الماء حتى يصبح حوالي 750 ملليتر على المؤشر

بعد خفقها في الخلاط نضعها في طنجرة على نار خفيفة حتى تغلي ( و نحرك كل فترة بشكل دائري)

عند تمام الغليان نسكب الخليط فوق الخبز

لعمل زينة الوجه

(و هي قسم رئيسي من الفته مو مجرد زينة)

نحمي في الطنجرة حوالي 4 ملاعق سمن (انا استعملت 2 ) لكن أصولها يسبح السمن على الوجه

و نقلي فيه الصنوبر نصف قلي (يعني حطة و شيلة متل ما بقولوا )

ثم نضيف الحمص على السمن الحامي مكان الصنوبر

ملاحظة هامة : الحمص كتير بفرقع انتبهوا لازم القلي بحذر و يمكن استخدام غطاء للوقاية من الزيت المتطاير

بعدما يتقلى الحمص نضيف له الصنوبر و نقلبهم مع بعض ثم نضيفهم مع السمن إلى طبق التسقية

تقدم مع
سلطة الطماطم و المخلل

(اسم السلطة ست غليله لفظ ال (غ) متل الجيم بالمصري)

و هي عبارة عن زيت زيتون - نصف ليمونة معصورة - رشة كمون تخلط مع بعضها

ملاحظة : لا نضع الملح للسطة لأن ملح المخلل كافي و زيادة

نضيف لها الطماطم المقطعة حوالي 3 حبات- مخلل خيار او قثاء مقطع و تخلط

و هذا الطبق لأول رد

و صحتين و عوافي

الكمية تكفي 2 أشخاص بالغين و 1 طفل

ملاحظة أخيرة :
لو رحتو المطعم رح تشوفوا انه المرق كتير بالنسبة للخبز لكن انا بحب أعملها مع خبز كتير على قد المرق

__________________
.
.

استودعتك أهلي في سوريا يا من لا تضيع ودائعه

التعديل الأخير تم بواسطة indienne ; 04-02-2009 الساعة 06:12 PM السبب: تعديل روابط الصور