حياكم الله على فطوري .. gawlp
السلام عليكم ورحمة الله وبركاته ..
حياكم الله على فطوري البسيط اتمنى يعجبكم .
بما إنا عائلة صغيرة ,, و زوجي والحمد لله مو من اللي يشترط نوعيه الأكل ففطورنا في رمضان دائماً يكون خفيف و بسيط ..
والجود من الموجود ..
يعني مرات كثييييرة تصير انا ما نفطر غير سلطات وإذا مرة سويت معاها مهلبية 
وبجد نرتاح لما نفطر على خفيف ونقدر نصلي ,,بعكس الأيام اللي نكثر فيها ..
هذه سفرتنا حياكم الله عليها ..
الشوربة ..
شوربة الحب ..وتنعمل بحبوب القمح الكاملة ..
المقادير والطريقة ..
حب الشوربة مقدار نصف كاس مغسول ومنقوع مدة ساعة تقريباً ..
دجاج مقطع أو لحم ..
حبة طماطم معصورة + ملعقتين كبيرة معجون طماطم ..
بهارات الشوربة ( كزبرة جافة , ورق الغار , خولنجان , دارسين )
ماجي + ملح ..
بصل وثوم مفرومة ناعم ..
الطريقة .
نحمر البصل في شوي زيت ونضيف البهارات والماجي ونقلب حتى يذبل البصل
نضيف قطع الدجاج ثم حب الشوربة
وأخيراً الطماطم
ثم مقدار 3 اكواب ماء وممكن نحتاج زيادة ..
نتركها تغلي على نار متوسطة لمدة 30 دقيقة وبعدها نخفض النار لـ30 دقيقة أخرى ..
وتقدم بالعافية ..
السمبوسة ..
كوب دقيق فاخر ..
1/4 كوب زيت ..
ملعقة كبيرة ملح ..
والماء حسب الحاجة .
ناخذ الدقيق ونضيف له الزيت والملح نبدأ نفركها ثم نضيف الماء بالتدريج حتى تتكون عجينة متماسة وقوية شوي ..
ونتركها ترتاح 30 دقيقة ..
نجهز حشوة السمبوسة ..وهي عبارة عن دجاج أو لحم مفروم عالصاج
ونضيف لها (البقدونس , بصل الأخضر , كزبرة , شبت )
بعد ما ترتاح العجينة نقطعها قطع صغيرة ..
بعدها نبدأ الحشو والتشكيل ..
هنا خلصنا الكمية كلها ..
نقليها ,, ونقدمها بالعافية ..
بعدها الحلى ..
أم علي ..
بف باستري ,,3 اكواب حليب ,,سكر .. قشطة .. مكسرات مشكلة ..
نحمر قطع البف باستري في الفرن ..
الخطأ اللي حصل استخدمت بف باستري بر ( قمح ) طعمها غريب شوي ..
نحمص المكسرات
واخيرا نفتت قطع البف في صينية ونضيف المكسرات ثم الحليب والقشطة و ندخلها الفرن تتحمر ..
القشطية ( او اللقيمات السهلة 
)
كوب دقيق ,, علبة قشطة ,, ملعقة كبيرة بكينج بودر ..
نعجنها مع بعض بدون الماء تكفي القشطة ونتركها ترتاح شوي ثم نفرد قطعة ومنها بعد رشها بالدقيق ..
وناخذ قطعة ثانية ونفردها فوقها ..بعدها نلفها رول ونقسمها ونفرد كل قطعة ونقصها مربعات او حسب الأشكال إللي تفضليها ..
أخيراً نقليها في زيت حار ..
بعد ما نصفيها نرش عليها قطر ثقيل .. أو عسل ..
السلطة كانت فتوش ..ما مداني أصور غير هالصورة
والعصير فمتو بااارد على القلب ..و زمزم
اتمنى أعجبتكم سفرتي ..
ورمضان مبارك علينا وعليكم ..
__________________
