السلام عليكم ورحمـــــــة الله وبركاته
أخوي ابو حكيم حاليا أمر بمتقبات من الناحية النفسية
أنا أعرف نفسي هالمشاعر هذي تجيني إذا استجد علي شي جديد..أنا من النوع اللي يحب الروتين
أخاف التغيير والمستجدات..هالصفة هذي كان يعاني منها جدي الله يرحمه..يمكن ورثته منه
زوجي مندفع جدا بمشاعره وماتوقعت هالشي..أنا تعبانة وأعاني من اكتئاب صرت أتمنى الموت والله
أختي مو فاهمتني تقول لاتفشلينا روحي لدكتور نفسي..يمكن أنا فعلا أحتاج لدكتوره نفسية
أمس سكرت موبايلي ومابي أكلمه..أحس بقلق شديد ورهبـــه
المشكلة أخــوي قال لي انتظري لما أتفرغ وأوديج..بس هل الدكتوره تقدر تساعدني وتريحني
أبي أتقرب من الله تعالى أكثر..صرت لما أصلي أو أقرا قرآن ما أخشع بس أفكر شلون أقدر أتكيف معاه وأحبه
شلون أتعود عليه وأهدي مشاعر الاضطراب والخوف في قلبي..والله تعبانه
اليوم طرشت له مسج دعاء..مارد علي زعلان إني سكرت الموبايل ومو متفهم حالتي
ودي أصارحه وأقوله إني مريضة نفسياً ولازم تحملني
على الفكرة هالحاله اللي فيني نفس حالتي لما سقت سيارتي..كنت أعاني من رهبه حتى صوتي اختفى استمرت هالحالة من شهر ل 3 أشهر والحمدلله تعودت ورجعت طبيعية
أخي أرجوك بعد الله أن تساعدني وتمد لي العون والله إني كرهت نفسي
هل أصارحه بجنوني اللي ان شاء الله إنه مؤقت وماراح يطول معاي..مابي أزور حتى أهله وخواته
أحس بنفووور شديد منهم..هل أصارحه بالمسج وأقوله أحتاج وقت..!
مادري أحس إنه راح يشوف إني مو طبيعية ومجنونه..ويمكن يحس بالندم على رجعتنا
يارب اشرح صدري وفرج همي واجعل لي من أمري فرجاً ومخرجاً
دعوااااتكـــــم ياأخوتي..أرجوكم
__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين