صباح الخير
صار امس شي وحبيت اخذ رايكم فيه ادري اقلقتكم بمشكلتي بس والله ماعندي احد اشكيله همي
امس كان عندي اختبار ولارحت له طبعا اختبار نهاية الترم واليوم برضه مارحت له لان نفسيتي زفت ماقدرت ادرس
والمشكله انها اخر سنه بالجامعه لاكن الحمدلله على كل حال
طبعا هو صارله يومين عند اهله وجاني امس بعد المغرب يسال ليه مارحت للاختبار لان اخته قالته اني ماحضرت وهي
معي بنفس القاعه
فهمته ليش مارحت قالي في بالي شغلتين اذا بتسوينها خلاص بنسى الي صار كله بس لازم تسوينها
الاوله جاب لي المصحف وخلاني احلف عليه ان كل الكلام الي قالته امي من تاليفها وانا على طول شلت المصحف وحلفت
لاني واثقه من نفسي
الشغله الثانيه قالي لازم تكلمين امك وتفتحين السبيك وابيك تقولين لها الي بعلمك الحين
الكلام هو اني اكلم امي واسالها ليش قالت له كذا وهي تدري اني احبه
وفعلا اتصلت على امي وكنت فاتحه السبيك وسالت امي ليش سوت كذا في البدايه انكرت امي السالفه
وقالت انه من تاليفهم لاكن مهما صار مافيه جريمه كامله لانها رجعت فتحت سالفة ولد خالتي وقالت انه
شاريني ومن هالكلام هذا من غير السب الي قالته بزوجي وامه وهذا كله وزوجي يسمع
ومكالمه طويله مدتها ساعه ونص بعد ماقفلت قالي زوجي انا بطلع ولا ابيك تتصلين علي او ترسلين مسجات
اتركيني شوي مع نفسي
والله قال شوي ماقال يوم ومن امس لاتصل ولا جا ولا ارسل مسج
ولا ادري وش في خاطره
وانا قررت انتظره الين صلاة العشاء اذا ماجا براحته لاني فعلا صرت افكر في الطلاق والله معاد فيني
صبر للي انا فيه
لاحول ولا قوة الا بالله
دعواتكم