أنا حجاوبك بس بالنسبة لنفسي اوكي وبإذن الله تكون فاهم قصدي!
1- هل البنت بتحب الرجل التقيل أم اللي يظهر حبه لها باستمرار ؟
اللي يظهر حبه بإستمرار حتى لو بكلمة المهم أكون حاسة انو مفتكرني
2- هل البنت بتحب الرجل اللي يغازلها ويمدح كل شئ فيها أم الرجل اللي عكس ذلك ؟
لا ده ولاده
انا افضل يكون صريح معاي زي ماحكون صريحه معاه
يعني لو شاف حاجه حلوة فيا طبعالازم يتكلم عنها ولو وحشة يلفت انتباهي ليها
3- هل البنت بتحب الرجل الشديد عليها أم المتفاهم بالعقل ؟
والله هوا فيه بنات بيحبوا الواحد يكون شديد عليهم شوية وعامل فيها شي السيد وبيقولوا كده حاسين برجولته وشخصيته
لكن انا بفضل يكون متفاهم بالعقل وهو الافضل لان كثرة الشدة تولد الجفا!
4- هل البنت بتحب الرجل الرومانسي أم الرجل الواقعي ؟
يمكن الاغلبية بيفضلوا الرومانسي بس بصراحة انا بحب الواقعي يللي بيحاول يتصنع الرومانسية
5- هل البنت بتحب الرجل اللي يسأل عنها باستمرار أم اللي يطنشها ؟
أنا مش عارفة انت حاطت السؤال ده ليه اصلا؟؟!!
يعني اي واحد او شخص مش لازم تكون بنت او مخطوبة بتحب الجميع يهتموا بيها وتنفر من اللي بيطنشها
وانا يللي بيطنشني اطنشوا حتى لو كنت ميتة عليه!
6- هل البنت بتحب الرجل اللي يأمرها وتسمع كلامه أم اللي تطلب منه الطلب ويسمع كلامها؟
احيانا بحب الاول واحيانا بحب التاني
يعني لازم يكون راجل وله كلمته ببيته وهي يللي ماشية لانه كده حيكون مبسوط وراضي عن نفسه
وفي نفس الوقت لازم يحسسني اني موجودة
ولو طلبت منه حاجة ينفذها لي
لكن طبعا تكون طلباتي بحدود المعقول واللي بيقدر عليه
وان شاء الله اكون قدرت اقيدك ولو بحته صغننه
أختك:
ساندي