هاي أخوي ......أنا بحكيلك صراحة عن نفسي وشو احب يكون خطيبي ..وشيء زين انه في رجل بيهمه امر خطيبته ..صراحة اهنيك على هالشيء ..لاني تعودت دايما اشوف البنت هي اللي تسأل شو تسوي عشان يتمسك فيها خطيبها او زوجها لكن انت العكس ...والله يوفقك يارب ويسعدك ...

1-[هل البنت بتحب الرجل التقيل أم اللي يظهر حبه لها باستمرار ؟

انا صراحة احب انه خطيبي دايما يظهرلي حبه ....لكن يوم يحس بهالشيء ..مب في اي وقت واي مكان ..يعني يوم يحس بهالمشاعر يقلي ويعبرلي عن هالمشاعر .....يعني مو يقلي هالكلام ...عشان انا احب انه دايما يظهرلي مشاعره ..

2- هل البنت بتحب الرجل اللي يغازلها ويمدح كل شئ فيها أم الرجل اللي عكس ذلك ؟
اكييييييييد انه البنت بتحب انه خطيبها يتغزل فيها دايما ..لانه هذا يعطيها حافز اكثر ويعطيها ثقة في نفسها اكثر ...وهذا يؤدي اكيد الى الاهتمام بنفسها اكثر ..لكن مو يعني انه يبالغ في هالشيء...لكن شيء طبيعي اذا انت تحبها ..اكيد بتشوف كل شيء فيها حلو ...بس الاهم انك تخبرها وتتغزل فيها ...مو تم ساكت!!!!!
3- هل البنت بتحب الرجل الشديد عليها أم المتفاهم بالعقل ؟
تحب الرجل اللي يهتم فيها ..مو يكون شديد عليها ..يعني اذا فيه شيء مو زين هي بتسويه ..لازم يخبرها مو يسكت عشان ما تزعل ..يعني باختصار يكون شديد معاها وقت ما يكون هذا راجع لمصلحتها ....بس اكيد بتفاهم مو بالضرابة او بالصراخ ...يعني بالتفاهم يخبرها هالشيء ...وثاني شيء لازم تظهرلها غيرتك عليها .. وانك تغار عليها حتى من الملابس اللي هي لابستها
4- هل البنت بتحب الرجل الرومانسي أم الرجل الواقعي ؟
الرومانسي ....انا قلت الرومانسي وهنا قصدي الرومانسية مو يكون ضعيفة الشخصية عندها ...يعني الرومانسية في وقتها ...وهذا يعني يكون حنون وعطوف معاها .
5- هل البنت بتحب الرجل اللي يسأل عنها باستمرار أم اللي يطنشها ؟
هيه بتحب الرجل اللي يسأل عليها دايما ...يعني مو يوم يكون عندها شغل او اجتماع او اي شيء ..يروح يزعجها باتصالاته او بأي شيء ثاني ..لانه هنا بتنحرج اكثر من انها بتفرح
6- هل البنت بتحب الرجل اللي يأمرها وتسمع كلامه أم اللي تطلب منه الطلب ويسمع كلامها؟
اكيد يوم يطلب منها ...وباسلوب حلو ...مو يبين لها انه يأمرها كأنها عبد عنده

اتمنى انك فهمتني زين
والله يسعدك يارب ..ويهنيكم