شكراً لكِ أختي الفاضلة سيدة الموقف على وجودك.

بالنسبة لليمون الأسود والمطازيز جايبه من السعودية، طبعاً المطازيز هو مجهز أصلاً ومثلج وهو ني، بس ناخذه ونطبخه، أما الليمون الأسود فصراحة جايب كمية كبيرة منه من سنة وإلى الآن موجود بكثرة، لدرجة لما شافته زوجتي قالت هذا حق ثلاث سنين قدام، وإذا أختك الكريمة تحب نرسلها إذا هي مغتربة في أمريكا، مافيه أي مشكلة ونفرح والله

أما رائحة الدجاج فعلاً مو حلوة، لكن تعرفين حنا يالرجال ماعندنا وقت، أما زوجتي ترفض تلمسه إلا لابسة قفزات وأنا أحاول أقنع فيها أنها تلمسه بدون قفزات وتتعود على لمس الدجاج واللحم لأني ما أحب تكون متحسسة أكثر لأبعاد كثيرة وأبيها تتربى أنها ماتقرف بشكل مبالغ، لكنها غلبتني واقنعتني أنه دام أنه متوفر قفازات ورخيص سعرها وش اللي يحدها تلمسه.

عموما هو قد أتحمل الرائحة قبل الطبخ لكن ما أرى أنه فيه رائحة بعد الطبخ، رغم أني أغسل الدجاج بيدي فقط وأحطه في القدر، فهل أنتم ترون لو ماغسلتوه بالطريقة اللي تشوفونها أنه تبقى الريحة ؟

__________________
ياصبحِ لاتِقبل !!
عط الليل من وقتك..