رد: ماذا تعلمتي من أمك؟والدتك؟
اقتباس:
المشاركة الأصلية كتبت بواسطة زين ابيها
وعليكم السلام حبيبتي
عوداً حميداً موفقاً بإذن الله ❤
اشتقنا يا حلو 💋
.
قبل مرحلة المدرسة ، وقت الصلاة أمي تجمع كل ألعابي
وكانت تعطيني ثوب الصلاة
وتقول لي اوقفي معاي و قلديني..
بعد فترة تعودت تلقائي من اسمع الأذان اخذ ثوب الصلاة واقلدها
بصف الأولى الإبتدائي صرت فعلياً اصلي...
وإذا المؤذن يأذن ما تكلمني ولا ترد علي ولا تقبل إن اكلمها
كانت تقول لي بلهجة بسيطة اقدر استوعبها .. الله بيعطيج كل شيء تبينه
ووقت الاذان قولي حق الله شنو انتي تبين...
حسستني إن وقت الأذان والصلاة شيء مقدس لازم ما انشغل بشيء غير الوضوء والصلاة
.
الشيء الآخر ..
بيت جدي ( أهل أمي ) جنب بيتنا تقريباً
كنا كل ليلة بعد صلاة المغرب نروح
خالاتي يجتمعون هناك بعد الصلاة هم مع عيالهم..
في الطريج كنت ألاحظ أمي أحياناً توقف وتشيل أشياء من وسط الطريج وتخليهم على جنب..
أو البعض يقط مثلا بقايا أكل مثل سندويج أو فواكه
أو مثلاً تشوف حصى
فتنحني تشيلهم من وسط الطريج وتخليهم على جنب
صرت تلقائي اسوي مثلها ...
.
تصدقين اشبه أمي في أشياء وايد وايد وايد
واسوي أشياء كنت استغرب ليش أمي تسويها وترد علي ( بتكبرين وبتعرفين ليش اسوي چذي و يمكن تقلديني بعد )
وفعلاً 🤗😌...
إذا تذكرت شيء بارجع
موضوع لطيف مثلج يا حلوة
💋
|
تشتاقلك العافية يارب
يا حلوة
تسلمي زينو
ماشاء الله رغم بساطة ما تقوم به أمك الا انه عند الله عظيم
اماطة الاذى عن الطريق صدقه
وكذلك غرس محبة الصلاه وتعظيم الاذان من الصغر
وكذلك غرس ان الله هو الواحد المعطي المحقق للاماني
يارب تحفظها لك ويجمعكم بالجنه وجميعنا وامهاتنا يارب