منتدى عالم الأسرة والمجتمع - عرض مشاركة واحدة - نصايح مني لكم لوقت الولاده
عرض مشاركة واحدة
قديم 15-01-2010, 03:16 AM
  #1
ام الـصـقـر
عضو نشيط
 الصورة الرمزية ام الـصـقـر
تاريخ التسجيل: Sep 2008
المشاركات: 134
ام الـصـقـر غير متصل  
tongue3 نصايح مني لكم لوقت الولاده

السلام عليكم ورحمة الله


اخواتي الحوامل سهل الله ولادتكن

انا قبل فتره قصيره ولدت وحاليا عندي بنوته الله يخليها ويحفظها لي

وطبعا زي اي وحده قبل الولاده تفتش وتبحث في الانترنت عن كل مايخص الولاده

والحمدلله وفقني ربي واستفت حتى حوايج النفاس سويتها انا لوحدي

والف حمد وشكر لله كانت ولادتي ميسره وسهله بفضل الله

وباذن الله اخواتي اي وحده عندها اضافه تنفع خواتنا لاتقصر وتدلي بدلوووها
.................

اولا // في الشهر الثامن احرصي اختي على اكل حبوب الفيتامين والكالسيوم والحديد لانه راح يبين اثرهم وقت الطلق .
انا في ولادتي السابقه اهملتهم وكان اكلي في الشهور الاخيره فاست فود .. وجاءت النتيجه مصيبه وقت الولاده مافيني حيل ادفع نهائيا لدرجه كانوا بيسوون لي قيصريه بس الحمدلله ربي ستر .

ايضا لاتنسين اختي تجهزين نفسك لوقت النفاس وتشترين كل الاعشاب

الغير ضاره والمهمه // انا سويتها بناء على نصايح الدكتور جابر القحطاني

مثال لا حصر :: الحلبه - الفلفل الاسود ... الخ

وطبعا تشترين كل مايخص مواد تعقيم جرح الخياطه من بيتادين ومرهم ميبو وفوط صحيه مناسبه
والاعشاب والملح الفارسي .

وطبعا المفروض قبل في الشهر الخامس او السادس تجهزين ملابس الطفل وملابسك للنفاس والمفرش ... الخ لانه في الشهور الاخيره راح تتعبين في التسوق .. بس نصيحه لاتكثرين ولاتشترين الغالي لانه الطفل بينمو بسرعه وملابس الشهر الاول لاتصلح للشهر الثاني وهكذاا.

ثانيا// مع دخول الشهر التاسع ابدي اختي في المشي لمده نص ساعه اقل شيء .. لان المشي يلين الفخذين ويهيئهم لوقت الولاده ويقال والله اعلم انه يوسع الحوض . انا ليلة ولادتي اكثرت المشي لدرجه خلاص ماعاد اقر اكمل مشي من الاجهاد .

احرصي كل الحرص على رفع مستوى الحديد عندك وانه مايكون عندك فقر دم لانه هو اساس الدفع وقت الولاده .. اذا الدم عندك نازل راح تتعبين اذا ماعملتي على رفعه في الشهور 7 و 8 و 9
كيف؟؟ اسالي الطبيبه بعد فحص الدم هي بتوصفلك قرص او قرصين يوميا حديد
وطبعا اذا اكلتي اقراص الحديد ماتشربين لبن ومشتقاته الا بعد مرور ساعتين اقل شيء وبعدين كلي قرص الكالسيوم وومكن تشربين لبن او حليب بعده مايضر ... اهم شيء لاتاكلين اقراص الحديد والكالسيوم في نفس الوقت .
ولاتهملين اذا كان فيك فقر دم كل الخضروات الورقيه الخضراء الي ترفعلك مستوى الحديد مثل
السبانخ- الجرجير - البنجر- الزبيب التين التمر... الخ
انا كان مستوى دمي 8 في الشهر السابع وصرت يوميا اكل قرصين حديد ..واحد بعد الغداء والاخر بعد العشاء لان قرص الكالسيوم خليته في العصر اكله .
ويوميا سلطة جرجير مع الخضروات الي احبها من طماطم وخيار ..الخ .....وفي الليل اسويلي مرقة سبانخ وانتي ممكن تسوينها فطاير بس المرق كان اسهل لي واسرع ..
وقت الولاده كان دمي 11 ودفع الجنين ولله الحمد كان ميسر (( طبعا اتعظت من ولادتي السابقه ))

ايضا كلي تمر كل يوم في الشهر التاسع واكثري منه او من الرطب لانه مفيد لك ولدمك .واذا مافادك ماراح يضرك

ثالثا // يوم الولاده اذا بدأ الطلق الخفيف كل ساعه تقريبا مغص .. سوي لك قرفه في ماء مغلي

انا سويت كذا لما جاني الطلق في الصباح سويت ترمس قرفه و واتوضيت وبدات بقرأة سورة مريم

والدعاء بادعيه موجوده عندي لكن في جهاز اخر وراح انزلها ان شاء الله في رد اخر اذا شغلته .

المهم

معلومه استفدت منها كثيرررر وان شاء الله تستفيدون منها

انه وقت حصول الم الطلق لا تشدين ولا تتشنجين بالعكس ارتخي قد ماتقدرين واستغفري ربك بهدوء
واشفطي هواء (عملية شهيق) من فمك.

لانه حسب ماقريت انه رحمك ساعه الم الطلق يحتاج اكسجين وانه انتي لما تتشنجين يذهب الاكسجين لمكان اخر هو اطراف يديك (اصابعك) ويزيد المغص لانه الرحم يطلب الاكسجين ومو لاقيه
انتي قاعد تستهلكينه في اطرافك .

لكن لو استرخيت وقت الطلق واستنشقت الهواء من فمك .. كذا انتي توفرين لرحمك الاكسجين وماتحرقينه بمكان ثاني وبكذا يخف الالم بسرعه .

طبعا اول الطلق بياخذ ساعه بين كل طلقه وطلقه .. ثم يقصر الوقت الى نص ساعه.. ثم يبدأ في التقارب حوالي ربع ساعه . على طول روحي المستشفى في هالحاله اذا كان قريب من بيتك
اما اذا كان بعيد روحي قبل يتقارب الطلق .

ولاتنسين الاستغفار باذن الله بيجعلك ربك مخرج وبيسهلها عليك.

انا لما اتقارب الطلق لمدة ربع ساعه ... رحت للمستشفى والحمدلله كان مفتوح رحمي 8 سم
وبعدها بساعه ونصف ولدت ..

اهم شيء اختي ابعدي عن الصراخ والبكاء وتوتير الناس حولك .. والله مو نافعك الا ربك الجئي اليه

واسكتي وتالمي في صمت واستغفري .. مو حلوه كل الناس حولك من زوجك او اخواتك او امك يتوترون ويوترونك معهم ... وخصوووووصا امك لاتوجعين قلبها وتخلينها تحترق وهي مو في يدها شيء ..

انتهى كلامي وان شاء الله ماكون نسيت شيء
واذا حبيتوا تضيفون شيء لاتقصرون ياعزيزاتي
والله يسهلها ويهونها عليكم خواتي ويفرحكن :14:بشوفه اطفالكن