المشاركة الأصلية كتبت بواسطة إكليل~

ما ضربني لكن سبب خروجي الاول انه كان دائم الشك تصوري انه كذا مره اذا وداني لاهلي يجي ويوقف في مكان شوي بعيد عن البيت ويراقب اذا طلعت من عند اهلي وماقلت له مع اني ماقد سويتها ولاشاف مني شي واتهمني بشيء بريئة منه ، الادهى من كذا اني شفت له محادثه مع صديقه اللي كنت اقول بنفسي انسان يخاف الله يصور له شراب وعند بنات ، و زوجي يقول خلاص انا بخفف لين اقطعه ..
اشياء كثييييير وتراكمات تخليني اطلع بدون اي تفكير .
واجهته فيها وحلف انه قاطع الاشياء هذه من زمان وانه انا انسانه مو كويسه !!
كتمتها بنفسي وتحسبت ربي ألف مره كل يوم ليل ونهار ..

اخته اتصلت علي خلال الفتره هذيك وقالت ان اخوها ملتزم بالصلاة بالمسجد وكأنه ندمان وانعزل عن الكل و رجعت بعدها قلت له نبي نرجع ورفضض قال خلاص انا بطلق ومانصلح لبعض ومن هالكلام لكن اصريت على الرجوع اليين وافق..

ثمان شهور وانا كل يوم اقول بكرا بيصير احسن يتعدل يوم ويوم يرجع مثل قبل وفوق كل هذا بيحرمني من حقي هذا اللي خلاني اطلع للمره الثانية..

الثلاث سنوات الاولى من الزواج كان انسان رائع وهمه الاول العائلة ، لكن الثلاث سنوات الاخيره
صار انسان ثاني ما اعرفه ،، وبسبب السنوات الاولى افكر بالرجوع اكثر من مرة لأني عندي امل يرجع مثل الانسان اللي عرفته