رد : تشخيص الشيخ (نفس متعلقة)
انا لحد الآن اظن ان اللي صابك يا اما نفسي او جسدي فممكن يكون عارض بسيط .. فمثلا كانوا يقولون ايام اجدادنه ان اذا زاد ألم الارحام معناه تبغي أولاد .. حاليا زوجة أخوي تعاني من نفس ألمك وبشكل متواصل وعملت فحوصات والدكتورة قالت مافي شي ولما راحت لوحده اشطر فحصت اكثر وقالت التهاب داخلي وكان يلزمها فحوصات ادق علشان تعرف نوع الالتهاب و بمجرد مازادت شرب الماء مع عصير التوت البري خفت آلامها ..
بعض الاحيان لما الوحده تكبت بداخلها وتكون بضغط وضيق متواااصل يترجم هالشي على جسمها وانا اتذكر كانت معاي زميلة كانت تتعرض لضغوطات وتعب نفسي بحياتها الزوجية وتجيني كل يوم والثاني تطلب الفحص سكر ضغط دم ،، وكان دائما مرتفع واحسها بقلق دائم وتعاني من آلاام بمناطق معينه بجسمها كالخاصرة والرحم والمعده والاكتاف وكانت خايفة فيها شي عضوي بالنهاية اتضح ان كل هذا بسبب التوتر اللي عايشته بمجرد ما انتهى الموضوع وارتاحت رجعت لطبيعتها
بالنسبة لاحلامك ،، ممكن تكون تنبيه لك لشي معين يعني مو شرط يكون كلام الشيخ صحيح مع احترامنا وتقديرنه لهم جميع ولكن الاحلام تفسر بحسب الشخص يعني كل شخص يختلف عن الثاني ... اتذكر الوالده تقول كنت دايما اشوف بأحلامي كأن راس قط كبيير واسود يجي دايما على راس والدك! كنت اخاف واحسب انه ممسوس لو شي بس بعدها فهمت ان هالقطو هو شخص معاه دايما يوسوس له بامور مو تمام وبالنهاية نقلنا لمنطقه ثانية واختفت هالاحلام .. فانتي شوفي حواليك وحاولي انتي نفسك تفسرين الحلم واربطيه باللي يصير معاك وربي يبعد عنكم كل شر وكل مكروه وكل شخص ناوي وينوي لكم بالشر والاذية ..