زوجي زعل علشان فطور
ارجو المساعده برأي حكيم وسديد من الاعضاء
صارت مشكله كبيره بيني وبين زوجي ومن غير سبب في وجهة نظري بس زوجي يعتبره سبب قوي
انا بحكيلكم وانتوا احكموا
قبل امس كنت رايحه لاهلي قالي زوجي خلاص نامي عندهم وانا اجيك في الصباح قلت له خلاص اوكي
رحت عند اهلي وطبعا سواليف مع امي وخواتي وسهرت معهم وواصلت الى اليوم الثاني وفي الصباح جا زوجي واخذني للبيت
ودخلت وانا دايخه والنوم ذابحني ودي اطيح في اقرب فراش
رحت لغرفة النوم قال زوجي هييييه وين رايحه سوي لي فطور قبل ماتنامين
قلت له والله ماقدر اشوف شي قدامي مانمت من البارح
قال مو شغلي ابي فطور
قلت خلاص وعطيته عشرين ريال قلت روح اشتر فطور
قال لا انتي سوي فطور
قلت والله ماقدر تعباااااانه
قام وصد عني وزعل وسكت
قلت له خلاص بسوي لك بس وش تبي
قال بصوت عالي جدا خلاااااااااااااااااااااااااااااص مابي منك شي روحي سديتي نفسي
حاولت فيه ومارضى
بعد ماصحيت الظهر سويت غدا ورحت عنده وحبيت راسه واعتذرت منه وقلت له تعال تغدى
قال مابي منك شي يلا يلا ويشير الى الباب يعني اطلعي برا
رحت وقعدت ابكي من القهر والاهانه
انتوا وش رايكم من الغلطان ؟؟