اقتباس:
المشاركة الأصلية كتبت بواسطة انا احبها
انا تعبت بصراحه*
لان اللي ماطاعتني وسوّت اللي انا ابي الان ماراح ترضيني بعد الزواج.*
رغم انها تقول ماعليك بعد الزواج ابرضيك.*
انا احبها .... ومدري وش اسوي .... ابي رايكم؟
افكر اني اقولها لاتكلميني ولا تراسليني الا اذا سويتي اللي انا ابي؟!*
شكرا*
|
اول شي حرام عليك انت تضغط عليها بها الشكل وتكرها بالزواج من بدري
ياخوي خف عليها خف عليها خف عليها ,, البنت صغيرونه تفكيرها للحين على قدها وصحيح بها العمر البنت تفهم للحب وتفهم ايش يعني الحب وتفهم ايش معنى زواج ,, بس ايش عرفها بالمشاعر والرومنسيه والكلام المعسول وانت بها الشكل معها تبغاها تلبيلك طلباتك وتريحك,, وبعد تهدد وتقول لاتكلميني ولاتراسليني الا اذا سويتي الي انا ابي..
معليش من حضرتك حتى تقول تسوي الي ابي...؟
بحكم انها زوجتك تستعبدها مثلا,, لا حبيبي معليش زمن البنت الي تمشي ورا زوجها بدون رأي ولانقاش اظن انقرض
خلك لين معها سايسها ضحكها خلك فرفوش ,, والله ماله داعي كل الي تبيه الحين وربي وربي وربي البنت صغيرونه مسكينه ضعيفه كل همها وتفكيرها الحين كيف منظرها قدام صاحباتها وايش بيقولو عن لبسها وتفكر بها الاشياء ,, ومع الايام يوم بعد يوم شهر بعد شهر هي بتدارك كل شي بتعرف معنى الحب منك
بمعنى الاشتياق منك,, بس خلها تعيش فرحتها الحين بالي تفكر فيه وبصحباتها وقرايبها وفين تتمشا وايش تشتري ,, وافكار لسى على قدها ,, ولاكيف بها العمر ياخوي تبيها تفكر برجل بحياتها , وهي يادوب بدئت تستوعب الحين وتعيش عمرها ,, راعي مشاعرها مالها كم سنه طلعت من حياة البرائه وداخله مرحله استدراك مرحله تعيش هالبرائه بعفويتها وشوي شوي تنضج تبدء تفكر باساسيات الحياه وانت اولها
واذا تبي تقتنع من كلامي... لاتصلت عليها كلمها عن ليلتها عن الاشياء الي مخططه لها وناقشها فيها شوف كيف بتزعجك اتصالات وتقولك اليوم الثاني كل الي بقلبها
اما تبي وحده جاهزه مجهزه تقولك سمعا وطاعا وهي مغمضه , وتنام وتصحى وتلقى كل الي تبيه يكون فيها ,, بقولك شوف مارد علاء الدين وافركه افركه لين يقولك شبيك لبيك وقوله عن امنيتك يمكن تتحقق
ولاتقولي انا سويت مجهود وتعبت وتعنيت وارسل كلام حب وماني عارف ايش ,, بقولك انت كذاب مع احترامي لك, لانك ترسل كلام حب وانت مانت قده ولاتعنيه لانك تبي تعلقها فيك وبس ولا انت مو يم قلبها ولايعنيلك احساسها شي
وهي صادقه يوم قالت الحب وهالكلام تجي مع العشره ,,, وصدقو ياما قالو عقول 18 اكبر من عقول الي بالعشرينات
دامك تحبها وترسل لها كل يوم هالكلام وين افعالك وتجلس تتودد لها وتشوف رضاها وايش محتاجته
بس انت تبي وحده على كيفك بالي تبي وهي ولافكرت بشعورها......؟
ولايغرك بنت صغيره وتستعطفها بكلام حب ومتأثر بالمسلسلات
لا ياخوي ترا كلها درامه وقصص,, انت الحين بالواقع وعليك تبني وتأسس حب طاهر مع هالبريئه بافعالك لها وتبادلها الود والمحبه
والي يسعدك لاتفكر ترضخها لك وتلوي ذراعها بتهديدك لها , لان هالاسلوب اسلوب الجبناء واسلوب مقزز واسلوب يوضح مدى انانيتك , الشي اذا ماجا باقتناع محد يستمتع فيه الا الاناني الي يبي يصير هالشي ويرضي غرايزه حتى بدون اقتناع وبدون نفس من الشخص المقابل , تخيلها اختك الصغيره وجاك زوجها يشتكيلك منها
بذمتك ايش بتقول لها وكيف تحاول تخليها تسوي الشي الي يبيه زوجها,, والكلام الي راح يجي ببالك قوله لها
الله يوفقك ان شاء الله,, واعذرني اذا ضايقك كلامي,, بس كسرت خاطري الصغيرونه بسبب تفكيرك واندفاعك واحلامك وحب * حب
ومالومك ياخوي كل ماقرب العرس كثرت الضغوطات النفسيه وكثرت الهواجس والخوف
بس خذها مني وربي الي تفكر فيه وتبيه مابيجيك بيوم وليله ولايجيك من رسائل جوال ولا مكالمات
بيجي على ارض الواقع بعد ماتمشيها وتطلعو شهر العسل وتشوف مواقف لك وغيرتك عليها هنا ينبني الحب وتنبني كل لحظه تتمناها
ناقشها بشي مفيد بدل ماتمشي ورا عواطفك,, ولاحق عالحب والعواطف بس اشغل نفسك معها بنقاش مفيد
التعديل الأخير تم بواسطة الهدوء عنواني ; 06-03-2012 الساعة 03:21 PM