أسبوعين بعد علمي بوفاتهم مرّت علي بمرارة وقسوه نهاره طويل وليله أطوول كرهت كل شي كرهت الحياه ماحس بأي طعم حلو فيها فقط أستطعم المراره بكل الأطعمة والمشروبات
الألوان كلها صارت بعيني أسوود الضحك والإبتسامه أستبدلتهم بالرفيق الدائم دمووع،،
الدكتور رفض يطلعني لأنه حالتي تتدهور ماتتحسن لكن عمي كان له نظره ثانيه غير الدكتور طلب خروجي ع مسؤوليته وخذني لبيته أعيش معهم لأنه ماعاد لي أحد في بيتنا رغم انه كنت أصرخ داخلي تمنيت أرجع بيتنا لآخر مره كنت أظن إنه كل اللي يصير لي كذبه او كابوس وأصحى منه كنت أظن لو أرجع بيتنا وأدخل عليهم بحصل أمي في المطبخ كالعاده تجهز الغداء قبل عودة أبوي من العمل ،وأحصل جدي مع دلاله في الخيمه ويتابع الأخبار ، وخواتي راجعين من الدوام هلكانين تعب وأخوي نايم ،
وأركض لحضن أمي وأبكي وأحكي لها عن كابوسي وتمسح ع راسي تهديني وتتعوذ من إبليس وترقيني، وأبتعد عنها وأركض لجدي كالعاده وأحط راسي ع فخذه وأتمتع بدلاله وأقول له ليت العمر ينعطى وأعطيك نص عمري ع عمرك ، وبنص حديثي يدخل الغالي ضي العين اللي كل عمره يغار غيره لطيفه من محبتي لجدي يظن أني أعز جدي وأحبه أكثر منه ارتمي عند رجلينه وأبوسهم وش هي الدنيا بلياك ي ابووووي💔
وبعده أجاكر خواتي ع محبة جدي لي وأزعج اخوي بنومته عساس يقوم العصر يمشيني 😔
لكن الأمنيه أصبحت مستحيله صحيت من أوهامي ع يد عمي وقتها آمنت أنهم ماتوا وماعاد لهم بهالحياه وجود راحوا لبعيييييد وأتركوا داخلي فراغ كبير مايسده بشر ولا مكان أتركوني بعالم لايطاق من دونهم ، حاول عمي تعويضي ع اللي فقدته لكن اللي فقدته لا هو شخص ولا شخصين ان كان لهم عوض أنا فقدت أسره كامله والعوض بالصبر والسلوان ،
وفر لي كل سبل الراحه والرفاهيه أعتبرني بنت من بناته قدمني ع أولاده عشان آخذ راحتي وماأخجل وهم عمرهم ماحسسوني ضيف ثقيل 💙
لكن المشكلة فيني أنا لا قدرت أعيش ولا تعايشت مع الحياه الجديدة دفنتني بتلك اللحظه يوم وصلني خبرهم حبستني بغرفه أكلي شربي قليل شكلي تغير أصبح هزيل وباهت عيوني ذبلت من الحزن بنات عمي مافارقوني لحظه حاولوا يطلعوني من الكآبة اللي أنا فيها لكن باتت محاولتهم بالفشل الكل إستسلم ورفع راية الهزيمه من إنهم ينقذوني من اللي أنا فيه الا شخص واحد وهو عمي مامل ولا تعب كل ليله قبل ينام يدخل علي الغرفة ويرقيني ويذكرني الرضا بالقدر وكل مره يحكي لي حكايه ع الصبر وفي الصبح يرفض يفطر مع أهله يفطر دائماً معي ويقضيها بسواليف فكاهية علا وعسى ابتسم لكن ماييأس مني ظل يحاول ويحاول كثير قالوا له خذها لشيخ يرقي عليها لكن كان يرفض أنا عمها وأنا راقيها ، كان يصم آذانه عن كل الكلام ومايصدق ولايتبع غير قلبه إلين في ليله من الليالي دخل كالعاده يرقيني وبعد الرقيه أنتظر الحكايه لكن كانت حكايه غير العاده حكى لي عن حياته طفولته مع أبوي وجدي حسيت ببحة صوته تغيرت وقال: أنا ي عمك فقدت أخوي سندي وأبوي مالي بالدنيا هاذي غيرهم وقبلهم جدتك هذا أنا وحيد مثلك كلهم راحو واتركوني بس ماسويت نفسك وحبست نفسي ع العالم مو لأَني ماأعرف أحزن ولا لأنهم مش غالين لكن آمنت بالله ورسوله وجبرت هالقلب بالعوض والسلوان آمنت بالجنه والجمعه فيها لكن أنتِ أفعالك لاترضي الله ولا ترضي رسوله الحزن يااعمك بالقلب والحياه ماشيه لو الدمع بيرد غالي كان كل من فقد له غالي قضى عمره بالدموع الدنيا هاذي فانيه وكل من فيها راحل أهلك وأهلي وانتي وانا مكتوب قدرنا من قبل مانخلق وقتهم حان وحنا لنا وقت بيحين<< نزلت راسي وبكيت بصمت >> إفرضي يومك اللحين إفرضي ملك الموت ارسله لك ربي وقتها وش جوابك له تكبرتي ع حكمته << رفعت راسي مصدومه>> آيه ي عمك اللي تسوينه غلط والله غلط أنا مقدّر إنك حزينه لكن بالحالة ذي تسمى إنتحار رفض للحياه رفضك لقسمته ،
بس أنا ي عمي << حط أيده ع شفاتي وقال ماابي أسمع أبيك تقومين من اللي انتي فيه وتصلين لك ركعتين وتدعين ربك وتطلعين من قوقعتك وتعيشين حياتك بس هذا اللي اطلبه واتمناه لك إنتي بحالتك ذي تزيديني حزن فوق حزني
ضميته وجلست ابكي ع صدره وجلس يمسح ع راسي إلين هديت ونفذت كلامه ...!


الحمدلله ع كل حال .. لهنا نتوقف 🌷

ومضه:
ليلي سرى ودمعي جرى وماحد درى إني بكيت
وقت مضى وقلب رضى وحكم القضا لا مااشتكيت
قلبي رحل وياهم يوم العرب تنعاهم
والرب ليه توفاهم بأمره رضيت
بعض الملا قالوا سلا لا لا لا ماسليت
عندي أمل ألقاهم في جنة مثواهم
وبرحمته يغشاهم ربي دعيت

تصبحون ع ماتتمنون 💐