منتدى عالم الأسرة والمجتمع - عرض مشاركة واحدة - تكرر توقف نمو الجنين في بداية الحمل..
عرض مشاركة واحدة
قديم 04-01-2004, 07:37 PM
  #1
هنووده
عضو جديد
تاريخ التسجيل: Dec 2003
المشاركات: 20
هنووده غير متصل  
Unhappy تكرر توقف نوم الجنين في بداية الحمل..

السلام عليكم ورحمة الله وبركاته

اولا اسعدني جدا تواجدي بينكم
وثانيا ابغيكم اطولون بالكم اويايه شوي لأني بكتب بالتفصيل الممل...


تشخيص حالتي حسب إللي سمعته من الدكاتره اللي كنت اسير عندهم وحاليا من دكتورتي اللي استقريت عليها
أن المبايض عندي مب شغااله عدل...

بصراحه انا بديت اعالج للحمل عقب 3 شهور من الزواج...وايد متسرعه ادري
المهم سرت عند كذا دكتوره وكانن يقولن أن المبايض ضعيفه واني مابحمل إلا إذا خذيت منشطات..

بديتها بحبوب الكلوميد..بس شافوا ان المبايض ماتستجيب لها..عقبها عطوني نفس الحبوب مع إبر وبعد نفس الشي ماشي استجابه آخر شي جربوا بس الإبر فترة الدورة..على اساس ينشطون المبايض وعقبها يعطوني ابرة التفقيص..وبعدها ساءت حالتي واستوالي هايبر سميليشن وانتفخ بطني وتعبئ مااي..ومع هذا العلاج والتعب بعد ماستوى حمل...الحمدالله على كل حااال

عقب هذا وقفت العلاج مدة سنة وغيرت الدكتورة...
ويوم فحصت جيكت وقالت ان عندي تكيس على المبايض..وقالت هذ احتمال كبير يكون نتج عن الهرمونات اللي كنت آخذها فترة العلاج السابق...بس الحمدالله طمنتني وقالت ان هذا الشي مايمنع الحمل بس يمكن يأخره شوي..


****التجربة الأولى:

وصفتلي حبوب الجلوجوفاج وعقبها بديت اويايه مره ثانيه نفس الشي إبر والحمدالله كانت من تعطيني إبره تجيك على المبايض باستمرار حتى ماتستوي نفس الحاله السابقه...بس استوى عندي تضخم للمبايض لكن الحمدالله من غير ماتتعبئ بالماي..والحمدالله استوى حمل....ترقدت بالمستشفى لين ماطمنت على وضعي وشافت نبضات قلب الجنين..وعقبها عطتني موعد بعد 10 ايام تقريبا..وقبل الموعد ياني عوار فضيع في بطني..حسيت انها تقلصات في الرحم...ويوم سرت عندها وكشفت..ماشافت النبض وقالت ان نموه توقف
الحمدالله على كل حااال..بس مابينت لي سبب هالشي وليش توقف نموه ولا سوت لي اي نوع تحاليل..قالت احتمال قل هرمون الحمل..للعلم ماكنت آخذ غير الـ Folic Acid

ماسوت لي عملية تنظيف وخلته ينزل طبيعي بس عقب شهرين تقريبا من توقف نموه او اقل بشويه والله مب ذاكره...بس هي جيكت وشافت ان مافي بقايا في الرحم ..


****التجربة الثانية:

المهم من فتره كررت نفس العلاج..يعني إبر الـ Gonal F فترة الدورة وعقبها إبرة التفقيص
والحمدالله استوى حمل لكن هذي المره وصفتلي حبوب duphaston + Folic acid
كنت اراجعها باستمرار...ومن موعد الدورة بدأ ينزل عليه شي بني بس واايد خفيف يعني مايتعدى القطرات في اليوم وهذا الشي بعده مستمر اويايه!!!
المهم تكرر عندي نفس الألم الفضيع اللي مايتعدى الدقايق فقط اسفل البطن...حسيت ان نفس الشي استوى واني فقدت الجنين..سرت لها وبالفعل مارامت تشوف نبض الجنين في الأسبوع السادس من الحمل...عطتني اسبوع زياده وقالت احتمال متأخر الحمل...ويوم سرت لها اليوم بعد ماشافت النبض..يعني نفس الحالة تكررت وانا جاهلة الأسباب..
سويت فحوصات دم وقالت احتمال تقدر تعرف السبب..

دشيت النت...ويلست ادور عن حالات مشابهه وعن الأسباب بس عسب ارتاح واتأكد ان ماراح يتكرر هالشي مرة ثانية..
من بين البحث حصلت هالموضوع
http://www.raf7.com/vb/showthread.php?t=7914

****السؤال الأول:
قريت الفحوصات المذكورة من قبل الدكتور وانا مش متأكده إذا الفحوصات اللي سويتها اليوم تشمل هالشي وإلا لا؟؟
يعني انا شفت مكتوب على الأوراق الكيمياء الحيوية او شي من هالقبيل...هل هذا نفس الشي وإلا كيف؟؟

المهم هي على اساس انها قالت بتسويلي تنظيف هالأربعاء بس عقب مافحصت بالأتراسوند قالت ان كل شي يبدو انه طبيعي وانه منغرس نايسلي في بطانة الرحم..وقالت الله قادر على كل شي وأجلت عملية التنظيف للأسبوع الياي قالت سبحان الله يمكن في أمل..

****سؤالي الثاني...
هل عملية التنظيف احسن وإلا يوم الجنين ينزل طبيعي..؟!! وخاصة ان الإجهاض استوى في بداية الحمل..؟!؟!
اسمع البعض يقول ان عملية التنظيف تأجل الحمل اقل شي 6 شهور فما مدى صحة هالكلام؟
وفي المقابل اسمع العكس ان الجنين يوم ينزل طبيعي هذا اللي يأخر الحمل؟؟ فشو هو الصح وبشو تنصحوني.. اني اسوي عملية التنظيف وإلا لا..؟!!


****سؤالي الثالث...
شو هذا اللي من بداية الحمل وليين الحين ينزل...لونه بني ووااايد خفيف يعني مثل ماذكرت قطرت فقط..وهل هذا يدل على شي معين حسب خبرتكم؟؟
ومن ناحيه ثانيه والله اشك في صلاتي وحتى الصيام اللي صمته والسبب هذا اللي ينزل

الحمدالله على كل حااال

واسمحولي على الإطااااله والله يجزيكم خير يا رب...