ماعندي فكرة بالمره عند النقطه هذي!
بعدين هي مو مسالة ليلة أو كم ليلة يأخذ فيها حبه
هو مرض مستمر فصعب يتعامل دايماَ بحبوب
خاصة إني زوجة سنوات طويلة مو جديدة بيظهر فحولته بأي طريقة!
كلامي توقع فقط والأمر هذا أجهله تماماَ..

سواء عرفنا السبب أو ما عرفنا ما راح تفرق كثير .. عندنا واقع نتعامل مع وقائعه

شوفي ياقلبي..
زوجي من يكون هادي ولطيف فقط وحطي تحت فقط مليون خط
يعني ماأطالب بأي شي ثاني
أحطه ملك
وأخدمه بعيوني
ومايسمع إلا سم وأبشر ولبيه
وكل طلباته أوامر...

لكن إذا واجهت منه تعسف وسيطرة وكلام يسم البدن
أكون إنسانة ثانية وغير راضية عنه بالمره
لأن عندي قناعة تامة أنو الإحترام فرض مهم بين الزوجين

هنا بيت القصيد .. هذه هي القناعات اللي لازم تتغير

ما أقول أنها قناعات غلط .. نهائيا ... أنا مقتنعة انها قناعات فيها كثير صح .. وأنا ما أتكلم عن الجملة اللي ذكرتيها إنما أيضا ما يلحقها من قناعات مرافقة لها عادة
مليت طفشت واجهت ضغط نفسي كل هذا مو مشكلة
مو معناتها إني أستهين بالطرف الثاني وأقلل من قيمته
بأي حق أصلاً أستعبد شخص وافرض عليه تصرفات معينة!
منو أنا أستعبده!
ربي وهو ربي خلقنا لعبادته منو أخلص لربي وهو بالنهاية موعود بجنة أو نار!
ضروري التغاضي والتغافل
مو معقول عشان هذا زوجي أجي أركز في تصرفاته
وكل تصرف مايعجبني أقوله على طول
مو معقول نظهر كل إنزعاجنا للطرف الثاني
لازم يكون فيه تقبل أنا شخصياً أتغاضى عن كثير أشياء منه
مو معقول بحصل زوج بالمل وعيال توب لابد فيه نقص أغطيه بميزة..


يبقى الغلط انه إذا هذا تفكيره..عقاب وتأديب..
فهنا الخلل

مافيه شي يستاهل أصلا لكل هذا..

من وجهة نظره مستاهله ... قاعد يضيع كل لحظة راحة ممكن تعيشوها ويضيع أجمل وأقوى سنين عمره بعيد عنك بسبب حاجته الشديدة لأن تكون زوجته بالطريقة اللي يرغبها .. مو مستعد يتنازل عن مطلبه هذا

هي مو ضغطة زر وتتغير برمجتي
شي فرضته علي التجربه والحياة
شي اواجهه إجباري علي
إني أحاول أعتقد شي طيب بالنسبة لي..

ما راح تنفع محاولة شهر وترجعي .. مثل رجيم اليويو .. سمعتي عنه ؟؟؟ تنزلي وزنك وترجعيه بعد كم شهر وترجعي تنزلي وترجعي تسمني .. هذا أسوأ رجيم ممكن يمشي عليه جسمك ويشكل خطر على الصحة .. ونظامك مع زوجك بهذي الطريقة يخلي الأمل عنده يتحطم بكل محاولة جديدة فاشلة الى أن ييأس أنه في حل .
أنتو على هالحال من سنين طويلة والشد والجذب بينكم . وهذا محبط للطرفين

لازم تقرري وعن قناعة ... هل تستحق قناعات أن تظلي تناضلي من أجلها حتى تثبتيها بحياتك معاه وللا عرفتي أنه ما راح يتغير ولا راح يتنازل عن رغبته ومستعدة تضحي بقناعاتك عشان يرجع لك حنون محب ؟؟؟

الشغلة مافيها حق وباطل ولا حقوق زوجية ولا مبادئ انسانية ... هذا هو زوجك وهذي قناعته .. هل تقبليه مثل ما هو وللا عندك نفس تظلي تشدي وترخي معاه غلى أن يغير قناعاته ويصير مثل ما بدك أنتي ؟؟؟

كلامك سليم...

بدليل..

خدامتي كانت أول مرة تشتغل بالتالي رد فعلها أول ماجت طلب الرجوع لبلدها
وفرضنا عليها تشتغل هي ماجت سياحة لازم تتحمل وتكمل معانا...

ففي بداية شغلها جاء وقالي: أكرفيها..لاتخلين لها فراغ تفكر فيه
خليها تشتغل وتنشغل عن تفكيرها ..

لحظتها عرفت تفكير زوجي
وعرفت أنه يتخذ معي نفس المبدأ...

اشغلوهم والعنوا خيرهم مايركزون بخلل في حياتهم!
يقطع ابو التفكير ياشيخ!

تفكير عقيم!

كويس عرفتي له ... أخذت معي 30 سنة حتى فهمتها وطول الوقت وأنا مقتنعة أنه فعلا أغلاطي بحجم ناطحات السحاب .. عيشه تقصر العمر

الا يندم..
ويعوضني بطرق غير مباشرة
مايدري إن الرجل الحنون مايعوضه شي!

والخلل اللي صار بينا والفجوة ماتنترقع بلحظات ندم مشلولة!

حتى مع الآخرين تلاحظي انه يصحح أغلاطه معهم ويعتذر منهم بنفس الأسلوب ( الفلوس تشتري كل شي ) وبالتالي لاحظي أنه هو فعلا ندم وفعلا حس أنه تجاوز الحد وضغط عليك بدون وجه حق ... واعتذر حتى لو أسلوب اعتذاره مو مناسب ... ذكري نفسك أنه هذا إعتذار عشان تخخفي من الاحتقان بداخلك ... ترى أحيانا نقدر فعلا نتحكم بأنفسنا ونوجهها للإتجاه اللي نريده ... تقدري أن كتوجهي نفسك للهدوء ولتقبله وتقبل طريقته بكثرة تذكير نفسك بنقاط معينة ممكن تفيدك .. تخيلي أنه نفسك هي شخص اخر داخلك وقاعدة تتعاملي معاه واعملي لنفسك غسيل دماغ

نفس توضيحك
انو تحترمني وماتجادلني وتطيع كلامي وماترادني


وأخواني كمان ماقصر قال معهم نفس الشي
إني مهملته وماأسوي له شي والبيت مهمل وإني اراده وأن عندي أجهزة رياضة مجمعتها عندي مالها داعي وإن مفارش العيال مهملة ومدري ايش

طبعاً جو لي بشكل مفاجئ العصر وهو كان مستلم الظهر

لمن قالوا هالكلام قلت لحظة ومشيتهم بالبيت

بيت زي الوردة نظيف ومرتب ومافيه أي حوسة
وريتهم غداه على النار ماأكله وقهوته المجهزة على حالها
شافوا كيف مرتب ونظيف
دخلتهم غرف العيال كانت مرتبة كالمعتاد
دخلتهم غرفتي وأنا ماأحب أحد يدخلها حتى الشغالة ممنوعة منها
كانت مرتبة وحتى حمامي قلت الحمام بالذات يبين النظافة من الإهمال خاصة الحمام الشخصي الله يكرمكم
كان مرتب وبنفسي أحد ورد وأكسسوار
وريتهم درج ملابسه مرتبه ومنسقه وريحتها معطره فايحة
وريتهم غرفة زايدة عندي فيها سير وآله الاوربتراك اللي مضيقة عليه!

جلسوا مع أولادي بعيد عني لفوا عيالي منهبلين منه ويشتكون منه
يقولون أحنا نكون حاضرين للمشكلة ابوي يشتعل وينفعل ويزيد
أمي ياتكون ساكتة ياتتكلم بهدوء وتهجده...وإن كلامي مافيه شي ومايستحق عتب ولا هالتضخيم

أخواني قالوا كل هذا قشور كلنا بيوتنا فيها اللي اشتكى منه زوجك بس عادي مو مشكلة

أحترنا بالفعل وين الخلل

عشان كذا أنا أعترفت من البداية إني مدري وش المشكلة إذا مني أو منه

وأنا مستعدة أدفع لأي شخص ممكن يساعدني ويزيل الغمة عن عيني..