منتدى عالم الأسرة والمجتمع - عرض مشاركة واحدة - وحدتي وانعزالي وتاثيرها النفسي علي
عرض مشاركة واحدة
قديم 10-11-2016, 08:36 AM
  #29
كوكتيل$
عضو نشيط جدا
تاريخ التسجيل: Jan 2015
المشاركات: 612
كوكتيل$ غير متصل  
رد: وحدتي وانعزالي وتاثيرها النفسي علي

هاجري الى ربك هو ملجاك من قبل ومن بعد

شيلي الهجره من بالك
اصلا الهجره كلها على بعضها وحده وابشع من الوحده ببلدك
يعني بالله ما لقيتي انسك بين اهلك وناسك وناس يتكلموا نفس كلامك ما لقيتي الانس معهم بتلاقيه وسط البلاد المادية اللي معروف انهم ما يعرفوا العواطف الا بالشي البسيط جدا وكلن نفسي نفسي هذا غير نظرتهم العنصرية للعرب!!!
ثم لم تستطيعي ان تتزوجي من خارج قبيلتك بتقدري تهاجري مره وحده!!!

عيشي ببلدك رافعه راسك وتمشي بامان
ولا ببلد مو بلدك وتمشي وانتي تتلفتي حولك لا يطلعلك واحد عنصري منا ولا منا

حبيبتي
نصيبك يعرف مكانك بالضبط
و بالدقيقه واللحظة المكتوبة بيجيك ولن يتاخر عن وقته طرفة عين

ولا مانع تسعي لنفسك بعدة طرق وانتي ادرى بالنافع لك

* كلمي اعز اخواتك ان كان عندك اخت متزوجه تلمح لزوجها يدورلك وكانك انتي ما تدري طبعا
واذا ما عندك اخت ارمي كلام عند الزميلات اذا جت مناسبه للكلام وكانك تمزحي بان النصيب للحين ما جا وكذا يعني كانك تمزحي يمكن وحده تعرف احد يبي يتزوج ويكون فيه خير ما تدري


* الخطابات ايضا حل
فيه وحده هنا كتبت عن خطابه ثقة بعد الله وهي من معارفها اطلبي رقمها بالخاص


* دايما رددي امام النساء انك تبين تتزوجين الشخصية الفلانيه "يكون امير او وزير"
هذي الطريقه تخلي الحريم يتكلمون عنك عند محارمهم "بستثناء ازواجهم طبعا"😆
وتدفع الفضولين للكلام والحديث عنك ومع كثرة الكلام يوصل لاحد يدور عروس
وربما شخص من باب الفضول ويتم النصيب بينكم

* التحفيظ مصدر اخر للزوج الصالح باذن الله سجلي في جمعية تحفيظ اما دارسه او معلمه ان كان لديكي شهادات تغريهم اغلب من في التحفيظ يخطبوا من بعض

* الزواجات عاد اقدم طريقه احضري كل الزواجات اللي يعزموك عليها وارقصي ان كنتي تعرفي وحاولي تسلمي على معارف اللي عزمتك حتى يعرفوك اكبر عدد من الحريم

هذي مجرد افكار استعمليها كلها لا مانع والفكرة اللي ما انتجت اليوم تنتج بكره
وحلاتها ان كلها قابله للتطبيق وكرامتك محفوظه مافيها ابتذال

واؤكد على الاهتمام بالمظهر واكيد انك حريصه لنفسك قبل يكون للعرسان
لكن اظهري ذوقك في اللبس بما يزيدك جمال

ولا تنسي تستخيري قبلها كلها
وعلقي قلبك بمسبب الاسباب وليس بالاسباب
وظني فيه الخير ولن يخذلك كما وعد سبحانه ان يكون عند ظن عبده به

والله يوفقك ويرزقك بالزوج الصالح الحنون
اللي ينسيك الهجره وسنينها وما تهاجري الا لقلبه💓

التعديل الأخير تم بواسطة كوكتيل$ ; 10-11-2016 الساعة 08:43 AM
رد مع اقتباس