أختي بصراحه .. غلطتي أيوه صح غلطتي .. بس مافي انسان معصوم من الغلط وياريت ماحد يفتي بهالموضوع ..
المهم بالموضوع انه صار ماضي ندمتي عليه وبديت صفحه جديده ...
ندخل بالموضوع الي صار ان خطيبك عرف بماضي وحاول ان يسامح ويتناسى بس الي قاعد يسويه فيكي اسمه تعذيب ماتقولي حقو ..ايوه صح حقو ينصدم ينجرح بس الي مو من حقوا انه يفضل يحاسبك على ذنب بينك وبين ربك تبتي منو وبإذن واحد أحد يكون سامحك عليه
خطيبك قدامو الخيار إذا حبو ليكي وثقتو فيكي مو قويه كفايه انه ينسى ويسامح ويعتبر الي جرا ماكان فالعذاب الي عايش فيه ومعيشك فيه هذا الي بجد حراام مافي جرح مايبرى ومافي شي اسمو مو قادر يسبني خطيبك ماسك الحبل من النص وعاجباه فكرة الضحية وبالدليل انو هوا الي بدأ يدحبش ورا الأخبار
والمشكله انهم يقولو ان البنات هما الي يدور ورا الحكايات ويحبو القال والقيل خطيبك بطريقتو هاذي هو الي قاعد يشجع الناس انهم ينقلوله الكلام يعني لو كان خرس أول واحد أجى اتكلم عنك ماكان حد استجرا انو ينقلو كلمه ولو صغيره عنك اسمحيلي اقولك خطيبك مو بس ثقتو فيكي مهزوزه ثقتو بحالو معدومه
الحب مو كلام ولا شوق ولا لهفه وطبعا طبعا مو عذاب .. الي يحب مايجرح مايأذي مايشقي نفسو ويشقي الي يحبو معاه
والرجوله والإحترام مو أنو يحذرك من هاذي وهذيك الرجوله انه يوقف قدام كل العالم ويبينلهم انو عندك رجال مايسمح لمخلوق انه يأذيكي ولو بوردة ...
وأولاً .. وأخيراً مثل ماقلت من الأول هو مخير ماحد ضاربه على ايده وبصراحه انتي الي لازم تتخذي موقف ماينفع تضلي على هالحال بوضع المتهمه الي مستني الحكم يا ينسى كل شي ويرجع احسن ماكان ياصدقيني بيجي يوووم وبتكرهي نفسك انك استمريتي على هالوضع .. وين الرحمه وين الحنيه الي في قلبه
حبيبيتي صدقيني انا فاهمه كل مشاعرك ومايفهم قلب الي يحب إلا الي جرب طعم الحب
أنا مخطوبه عن حب وامووت في خطيبي بس صدقيني إذا مريت بالي تمري فيه بفكر بنفس الطريقة الي قاعده اتكلم معاكي فيها
مافي حب بدون كرامة مافي حب بدون احتراام ومافي زوااج ينجح 1% إلا لما يكون الإحترام والثقه أساسو
والي قاعد يسويه فيكي مافيه احتررام كل الي فيه حب مراهقيين
لاتوجعي قلبك أكثر .. حاولي تثقي بنفسك أكثر وتحسي انك تستاهلي انك تتعاملي بشكل احسن و وقتها حتقدري توقفي وقفه قويه قدامو وتخليه يحدد موقفو معاكي .. ماتغامري انك ترتبطي فيه قبل لاتحطي حد للحاله الي عايشين فيها
الله يوفقك يارب ويسعدك دنيا وأخره ويقدملك الي فيه الخير
طمنينا عليكي