منتدى عالم الأسرة والمجتمع - عرض مشاركة واحدة - هل أغتصب زوجتي؟؟؟
عرض مشاركة واحدة
قديم 16-10-2007, 10:13 AM
  #39
بنت_الحب
عضو نشيط
تاريخ التسجيل: Dec 2005
المشاركات: 153
بنت_الحب غير متصل  
اخوي abuaziz
ليش عصبت ياخي هدي شوي .. المفروض الواحد يوم يطرح موضوع للمناقشة يكون صدره رحب و يتقبل كل الاراء فكيف و انت حاط مشكلة و تبغي الراي .. صح ان بعض الردود طلعن عن الموضوع و كان فيها تحامل عليك بس بعد خلي صدرك رحب

عن نفسي لا اخوي انا مو عروس جديدة انا صارلي متزوجة 6 سنين و لله الحمد و عندي بنوته في الروضة و الثاني في الطريق ان شاء الله .. و اعترف ان كلامك صح ان الزوجة بعد فترة من الزواج و الحمل و الولادة و الانشغال بالبيت و العيال يقل اهتمامها بالجنس (بس برد اقول ان مافي شي اسمه برود جنسي عالاقل علميا لان الشهوة مسالة هرمونات فاذا ما كان فيه خلل في وظائف الهرمونات الجنسية تكون الحرمة طبيعية و يكون الخلل في مشاعرها و عقلها مو اكثر)

بس كحرمة بعد بقولك و اعترف ان ما في سبب يبيح لاي حرمة انها تمنع زوجها عن حقه الشرعي .. و الولادة و الانشغال بالعيال مو سبب انها تمتنع عن الممارسة مع زوجها .. بعدين حتى لو مالها مزاج (لان الجنس يبغيله مزاج رايق) فالمفروض انها ما تخلي مزاجها يحرم زوجها من حقه يعني المفروض تريحه حتى لو هي ما بتتمتع لان هذا حق الزوج و حفظ له من الحرام

بعدين اللي حسيته من كلامك ان ربيعك هذا من النوع الطيب الهادي الرومانسي مو اعي مشاكل و الظاهر بعد انه يحب زوجته والا ما كان صبر عليها .. و على فكرة هذا ممكن يكون سبب مخلي زوجته تتمادى انها عارفة انه يحبها و مهما قصرت معاه ما بيطالع غيرها .. ترى بصراحة لازم انت و كل الرياييل يعرفون ان الحريم ما ينعطون ويه ... يعني المفروض الريال يدلع بس فس نفس الوقت يحط حدود عشان الحرمة ما تظن انها الطرف المسيطر و الا بتخرب الدنيا