السلام عليكم ورحمة الله وبركاته
انا بجد مش عارفة اقنع زوجي ازاي ان حرام بجد تصرفاته معايا هو معترف انه مقصر معايا في كل حاجة وفي المقابل اما اطلب منه اي حاجة يرفضها سبق ورفض اعمل لابويا اكل في غياب امي واختي حلت الموضوع في تحاليل المفروض يعملها لاننا عندنا ولد واحد وربنا ما رزقني بغيره قعد سنة عشان يوديني اعمل التحاليل وعملتها من ثلاث شهور ومن يومها المفروض هو كمان يعمل وعمال يأجل ولا فارق معاه ان سني بيكبر ولو في حاجة لازم اعالجها كل حاجة رافضها انا اخي مسافر لوالدتي وفي حاجات معينة مفيش حد يعرفها غيري لازم اشتربها وارسلها معاه وهو سفره اليومين دول من قبل العيد طلبته يوديني انا عارفة الحاجة هدخل اجيبها في ثانية واطلع مش راضي اقوله طب اروح مع اختي وجوزها رافض عامل غيران عليا من جوزها طيب انا وهيا لا لازم ابويا معايا وابويا مش فاضي شغال طول اليوم وتعبان وصعبة حركته جدا يقوللي اخوكي وهو عارف ان اخويا اساسا مبيعملش حاجة لاهلي يبقي هيعمللي انا اقنعه ازاي كل حاجة يرفضهالي ولازم يذللني الف مرة عشان يوافق لدرجة اني بقيت ادعي عليه ربنا يحوجه لحد ويرفض زي ما هو دايما كاسرني ادام اهلي واللي غايظني انه قاعد ف البيت مش بيعمل حاجة لو في حاجة تافهة هينزل جري وعادي وهو محل هدخله اخد حاجة احاسب واطلع يقوللي انا تعبان مش فيا دماغ اعمل فيه ايه ده