السلام عليكم ورحمة الله وبركاته

انا محتارة في حياتي وماادري من وين ابتدي وانتهي سنين احس اني ضايعه وتايهه

من لما كنت صغيره شفت اهلي يفضلون بنات العيله علي بمقياس الجمال وماادري كيف كانت مقاييسهم
وبعد ماانزرع بداخلي فلانه وفلانه هم الاجمل وانتي لا كبرنا ومن مواقف المجتمع والناس اللي تقدمو لي يخطبون اكتشفت اني من اجملهم بشهادة الكل .. لكن ظلت الثقه بالنفس المهزوزة لكن ابدا ماكنت اظهرها لدرجه الكل يحسبني مغروره .

ولما مر العمر وماكتب لي الله نصيب وبعد سلسه احداث وخطبات ومواقف للاسف كنت اعطي فيها ويخذلوني صرت احس باحساس النقص واني غير عن كل خلق الله ..

لحد ماربي كتب لي الزواج والى الان احس انه زوجي بيوم راح يتخلى عني .. خاصه بعد مااكتشفت خيانته لي .

الاحساس بالنقص والالم والجرح والضيق والدموع تعبني مااقدر اتحمل اكثر افكار وساوس ومهما سويت بنفسي احس انه مو حلوة مع انه الكل يمدحني ..

والامر الاخر الجرح اللي سببه لي مخلي عندي احساس مضاعف بالكرامه حتى كلمات الحب مني احسب لها حساب قبل ماتطلع لان احس انه مايستاهل .

واللي مضايقني اكثر انه كل هالتعب والالم صارو يأثرون على حياتي من صحتي وديني وصلاتي لحد علاقاتي الاجتماعية وعملي كل شى جالس يتلخبط ومااقدر اركز ..

حاولت كثير اكون اقوى اشيل حزن غريب داخلي وابعد الوساوس ماقدرت

وش الحل ابي اتغير ..