زوجي خائن
السلام عليكم
انا عندي مشكلة مسودة علي حياتي اتمنى انكم تنصحوني شسوي
مشكلتي بدأت بعد زواجي بشهر و نص (3سنوات متزوجة)لما اكتشفت عن طريق الصدفة و انا اعبث بموبايل زوجي انه يخوني (قرأت كل المسجات اللي بينهم و حسيت اني بموت )خصوصا انه ما بيننا مشاكل و الكل يحسدني عليه رومانسيته , ما قدرت اتحمل كان نايم و رحت قعدته و سالته شنو هالمسجات ؟,اخذ التلفون و سكت من الصدمة و هذا ذبحني قعدت اصيح و اقول له في شنو قصرت توني عروس و كنت ما اقصر في التزين و اداء واجباتي كزوجة قال انت مو مقصرة بس هذي تسلية بس , اسودت الدنيا في وجهي و امتنعت عن الاكل و بعدين اعتذر مني و قال انها غلطة و ما راح يعيدها حلف على القران و قال راح يغير ايميله و رقم تلفونه و صدقته لاني كنت احبه و في نفس الوقت ما ابي ارجع بيت اهلي مطلقة و انا ما كملت شهرين زواج لكن بعد ما هدأ الوضع قال لي الكل يعرف هالرقم ما اقدر اغيره
.بعدها حاولت انسى الموضوع لكني ما قدرت صرت شكاكة و قلت ثقتي بنفسي على الرغم من شهادة كل من يشوفني اني جميلة و ان في فرق كبير في الشكل بينا بس انا كنت راضية ,صار عندنا بنت و قلت راح يتغير الوضع بس انا صرت اشك في كل طلعاته و افتش تلفونه بس هو صار واعي و يمسح كل الرسائل المرسلة وظليت على هالحالة سنتين لما جبت ولدي و ما رضيت اقعد في بيت اهلي الا اسبوعين لاني ما كنت ابي اعطيه فرصة يخوني مرة ثانية و قبل ما اطلع من الاربعين كان قاعد على الانترنت و راح نام و قلت لنفسي خلني اقرأ الجريدة رحت و يا ريتني ما رحت كان ناسي يصك الصفحة اللي كان فيها شفته يكلم بنات في موقع مواعدة و يتغزل و يقول كلام انا نسيته من زود انه ما قام يقوله لي و اذا اقوله ما تغازلني مثل قبل يقول كبرنا , انهرت و قلت ما راح اقول له شي بس قررت اني انتقم منه و اخونه مثل ما يخوني بس ما قدرت لا اخلاقي و لا تربيتي تسمح لي قررت اسكت و رحت انام بس ما قدرت حسيت انه بيصير فيني شي و اولادي هم الخسرانين و بدون احساس رحت للكمبيوتر و انا حاملة مطرقة و كسرته و هو لما سمع جا يسوي روح خايف علي حاول يحضني بس دفعته سألني ليش قلت له تدري شمسوي ,سكت و قال انه حاس انه مهمل ( انا كنت والدة في الاربعين في بيت الزوجية) و قلت له ما راح يدخل كمبيوتر البيت بس بعد فترة ظل يحن على هالسالفة لما رضيت يشتري جهاز ثاني . مشكلتي اني ما اقدر اثق فيه الحين دايما احس انه يخوني حتى احيانا من كثر مو تعبانة افكر في الطلاق بس خايفة من الرجوع بيت اهلي و كلام الناس و الشماتة ,وقلت له اني بحاجة لعلاج نفسي خصوصا اني ما تكلمت مع احد قبل اليوم , احس روحي في جحيم, قولوا لي شسوي؟؟؟