يااااااه يابنفسج

اقولك شي

ترى تفكيرك هذا وخوفك وقلقك وتوترك هو اللي بيأخر الحمل عندك

يابنت الحلال استهدي بالله واتركي كل شي على ربك

خفت ولا ماخفت ، توترت ولا ماتوترت ، رحت دكتور ولا ما رحت

اللي ربي كاتبه بيصير

خلاص لا تتعبي نفسك مايصير كده يابنتي الله يهديك

عيشي حياتك واستمتعي مع زوجك

انتي سويتي اللي عليك ورحتي للدكتور ايش باقي كمان ؟

خلاص ارحمي نفسك

اذكر زمان لما كنت اتأخر في الصباح على المدرسة

اتوتر واقول للسواق يلاااا بسرررعة

بعدين صرت افكر بيني وبين نفسي

سواء اتوترت ولا ما اتوترت

ربي كاتب موعد معين ، ومحدد الوقت بالساعة والدقيقة والثانية اللي راح اوصل فيها عالمدرسة

فليش اتعب نفسي ؟

والله صرت باااردة ولا اشيل هم شي

اتوكلت على ربي ، وربي ماخذلني

يمكن تشوفيه مثال بسيط بس والله كان نقطة تحول في حياتي

بنفسج ياقلبي ريحي نفسك عشان تكوني مستعدة نفسياً وجسمياً للحمل

استعدي بالاكل المفيد الصحي واللياقة الممتازة

ترى الحمل مو سهل ويبغاله استعداد ثلاثة شهور قبل الحمل

والا يصير حالك مثل حالي

والله امشي كاني بالتاسع وكل اللي حولي حزنان علي

والتحاليل للاسف نتايجها كلها تدل انه جسمي ضعيييف ومو متحمل

والدكتورة زادت لي جرعة الفيتامين والحديد والكالسيوم

وللاسف الشديد ماني شايفة نتيجة تذكر

حالي مثل ماهو

فاستعدي يابنفسج اذا كنتي تبغي الحمل

ولاتتوتري ترى التوتر يأثر على الهرمونات وهذا شي معروف

بس انتي مو قادرة تستوعبي الفكرة

بالنسبة لسؤالك بخصوص الدورة

الحمد لله رب العالمين جورتي مثل ماهي ما تلخبطت بعد الزواج

جاتني في نفس موعدها وبنفس الكمية وعدد الايام

بس تغيرت بعد الولادة

فابدا مو شرط انه الدورة تتغير عشان نقول انه الهرمونات تشتغل وانه التبويض جيد

انا شخصيا دورتي منتظمة وحملت بعد الزواج بشهر

رغم اني كنت احاول التأحيل بس الحمد لله على كل حال

ماتهنيت بعرسي ولا عشت حياتي عروسة على طول ابتلشت في الاطفال والمسؤلية

حتى زوجي كره حياته

بس الحمد لله على كل حال الاطفال نعمة كبيرة من الله والكل يتمناها

بس تأخير شهرين ، ونعمل القلق هذا كله !!!!!!!

حرام عليكي خافي الله في نفسك

والله يرزقك الذرية الصالحة يارب