لا يا حبيبتي بدك تنسي وغصب عنك كمان مو بكيفك لانو جوزك غلط واعتذر ولانو رح تكبري بعينو اكتر واكتر اذا سامحتي ولانو عملك شان وما كابر ولا عاندك بالعكس اعترف بغلطو ويا ستي مين فينا ما بغلط وبصراحة غلط عن غلط بفرق يعني ما خلى الموضوع يكبر ودغري طلب منك السماح لا تكبريها براسك ولا ادققي وعلى فكرة هاي حياة طويلة بدك تعدي كتير امور عشان الحياة تمشي ويكون عقلك كبير انت الانثى الي بتقلبي كل الامور لصالحك بذكاء الانثى الفطري وان شا الله لما تولدي بتفرجينا همتك يا جميل وكيف رح ترجعوا متل اول وزيادة وعلى فكرة انت بتفكري اذا كان لا سمح الله بخونك رح يترك بعد ما كشفتي دليل على موبايلي يعني الي بدو يخون بخون وبشطب المسجات اوا اقل ما فيها بجيب رقم تاني ديري بالك من الشيطان ما صدق تمسكي هالغلطة على جوزك عشان يعملك مسلسل الو اول ما الو اخر وتيجينا تشكي لا من هلا اقطعي العرق وسيحي دمو وبشرينا