السلام عليكم ورحمة الله وبركاته
[COLOR="DarkGreen"]أختى love of life بجد انتى دمك شربات وأنا قاعده أقرأ اللى كتبتيه قعدت أضحك ........يعنى انتى كل شويه تنسى انك عامله رجيم وتأكلى مع اللى بيأكل ربنا يستر عليكى فى رمضان .....هتعملى ايه ....... ده انتى على ما ييجى المغرب هتكونى كلتى ثلاث اربع مرات ههههههههه .ما تزعليش انا بهزر معاكى بس طيب ياريت انا كنت فى وزنك ما كنتش فكرت اصلا فى الرجيم...... ومشكوره يا حبيبتى على تشجيعك لى وبالتوفيق فى الرجيم بس احذرى ها مش عايزين نسيان.... الله يسعدك يارب.
[COLOR="Blue"] باريسا ..... متشكره قوى على أحاسيسك الحلوة وكلماتك المشجعه اللى هتعطينى دفعة للاستمرار ومنتظره نتيجة نزولك بالوزن على احر من الجمر ......ربنا يوفقك يا حبيبتى.
Helwaya ربنا يطمن قلبك زى ما طمنتينى لأن أنا فعلا بأبقى من جوايا متضايقه ومش مبسوطه على الكمية القليلة اللى بتنزل فى وزنى بالرغم من كل المجهود اللى بأعمله ده لكن الحمد لله انا كده اطمنت . مشكوره وبالتوفيق لنا جميعا.
أم لؤى حبيبتى يارب يارب ربنا يشفيكى من الربو ويعطيكى الصحة والعافيه وتتشجعى تعملى رجيم معانا وتنحفى بكل صحة يارب.
أختنا الجديدة محبة أمى أهلا وسهلا بيكى معانا يالله ورينا الهمة كده عايزين الموضوع ينور باطلالات مميزة وبإنجازات هامة يالله كلنا معاكى ابدأى على بركة الله ومتابعين لك.
غاليتى وحبيبتى أم جمانة ....... دائما مميزة بطلتك كالعاده .... تعرفى انا قرأت عن ريجيم البصمة أو فصائل الدم يعنى كتير لكن عمرى ما اتشجعت له ولافهمته الا لما انتى كتبتى عنه هنا ......... أنا ما أعرفش ليه بأفهم منك أكثر من اى حد ....... الهى ربنا يخليكى لى يارب..... انا فصيلتى B- وفعلا كل الأكل اللى قلتى عليه مسموح انا بأحبه واللى ممنوع كمان مش بأحبه فيما عدا البط والدجاج لكن خلاص هأمنع الدجاج من النهارده
وطبعا رياضتى المفضلة المشى والسباحة بس مع الأسف هنا ما فيش مكان أسبح فيه الا البانيو هههههههه
أنا هأبدأ معاكى ريجيم تخلص الجسم من السموم من يوم السبت علشان نشجع بعض باذن الله ..... أنا كنت هأبدأه من النهارده لكن لما قرأت ردك قلت خلاص يالله نبدأه من السبت بس عندى ملحوظه لكل اللى هتبدأ معانا ان صحيح كلى زى ما انتى عايزه خضار وفاكهه شرط الا تتعدى كمية السعرات المسموح بها خلال اليوم ولا تنسوا ان الفاكهه سعراتها عاليه علشان ما نخربش ريجيم السعرات ايضا . وأنا منتظره نتيجتك فى خسران الوزن يوم الجمعه بحول الله وقوته ( يارب يارب تنجح أم جوجو حبيبتى وتطلع نتيجتها ممتازه) شكرا لمعلوماتك القيمة التى أثرت الموضوع وموفقة حبيبتى .

أختى الغربة مره ماشاء الله عليكى شكلك مطلعة فى موضوع الرجيم جامد ربنا يوفقك يارب وياله شدى الهمة.
أنا بقى ما كملتش لكم امبارح باقى سعرات اليوم
الغداء كان نصف علبة تونه مصفاه من الزيت ومعصور عليها نصف ليمونه وشوية شطه + سلطة خضراء + رغيف بر = 150+50+130=430
العشاء كان نصف برتقاله ونصف تفاحة ونصف موزة صغيرة ونصف علبة زبادى (30+40+50+65=185)
المجموع 140+430+185=755
الرياضه ساعة مشى سريع وساعة ايروبكس