كثيرين ينصحوني أجيب خادمة
مع إنها شقه لكن شغل البيت هلاك ومع الصغار ما يبقى مكان نظيف لازم أحد وراهم
لكني أرفض وجود خامه تسكن بالبيت وخصوصا الشقق والبيوت الصغيرة أتعس وأتعس
لا أطيقهم مع انه على حساب أمور أخرى
يمكن اللي تجي تشتغل بالساعات ومره في الاسبوع ولا الشهر تنظف وتروح مقبول
لكن تجلس 24 ساعة في البيت بيكون مثل ما تفضلت زي الهم على قلبك ولازم تحسب حسابها في كل شيء
لا تقدر تأخذ راحتك مع زوجك ولا في كلامك ولا في طلعاتك تحاتي تدخل أحد
حتى في أكلك تحس إنها تراقب ما تسلم
وفي سلوكياتك تكون عارفه ودارسة كل شيء عنك وعن البيت
ولا حظت الخدم يعرفون عن أصحاب البيت أكثر منهم تستغرب من كثر درايتهم
شيء مزعج يعرف عنك أحد غصبا عنك أمور دقيقه أو حتى يومية عادية
هذا غير السحر والأمور المعروفة عند بعضهم
يعني الفكره كيف أخلي في البيت معاي وحده ما أعرف عن بيئتها ولا ثقافتها ولا تربيتها ولا دينها
مع إني أحس بعض المرات إني تحولت خادمة
لكن الله يعينا ولا يحوجنا لهم
التعديل الأخير تم بواسطة colors ; 08-11-2010 الساعة 10:56 AM