اقتباس:

المشاركة الأصلية كتبت بواسطة الصفح الجميل الحمدلله الذي أكرمني يا أختي نورة , وبلغني حتى أعود إلى هذا الموضوع وأنا حامل الآن في شهري السادس أسأل الله أن يتمم بخير وبركة ويسر ورحمة منه .. ياكريم بدأت أجهز وإفتكرت هالموضوع .. الله يجزاكِ كل خير يارب ويبارك لك في ذريتك ويسهل علي وعلى كل حامل اللهم آمين ويرزق منتظرات وعاشقات حلم الأمومة اللهم آمين ياااارب

بسم الله ماشاء الله تبارك الله الله يحميك و جنينك حبيبتي من كل شر

ماتتصوري فرحتي بهالخبر الحلو ياربي لك الحمد .. كنتي على بااالي
ربي يتمم حملك على خييير و ينولك شوفته البيبي بصحة و عااافية يا ارحم الراحمين
ويسعدك بضمه و شمه يااااااارب

انتبهي على نفسك حبيبتي و على تغذيتك و اهم شي السواءل
واخلصي من الاغراض الحين قبل لا تثقلي .. و استمتعي بكل لحظات الحمل
و لا تنسي تمسحي على بطنك وقراءة المعوذات و لو عندك وقت بقولك على شي حلو
انا ماقدرت اسويه لضيق وقتي

اذا عارفة جنس الجنين و عندك الاسم من الحين
خذي القماطات و البطانيات الصغار ... و خيطي عليهم لونك المفضل
وبطرف القماط طرزي اسم البيبي ...و طبعا بعد ما تستخدميها بالعافية ان شاء الله
خبيها بصندوق صغير مع اول بدلة لبسها البيبي و سوار يده الي من المستشفى
واول كفوف و اول شراب و اول قبعة واول صورة له احتفظي فيهم لغاية مايكبر ...

ربي يقومك بالسلامة حبيبتي و يرزقك ساعة ولادة سهلللللللله

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله