منتدى عالم الأسرة والمجتمع - عرض مشاركة واحدة - زوجي متزوج مسيار من ستة أشهر
عرض مشاركة واحدة
قديم 14-01-2010, 05:38 PM
  #2
ميــس
عضو الهيئة الطبيبة -طبيبة تشخيص مخبري
 الصورة الرمزية ميــس
تاريخ التسجيل: Jan 2010
المشاركات: 621
ميــس غير متصل  
" و ما يلقاها الا الذين صبروا و ما يلقاها الا كل ذو حظ عظيم "

و الله معك حق .. شي بيقهر عن جد و بطقق كمان
أختي اشكي همك لرب العالمين .. منيح منك فعلا انك ما فتحتي الموضوع لسا
ما بعرف شو انصحك
في الي قرايب تزوج على مرتو علناً و هيه طلبت الطلاق صار ستين مرة و ما رد عليها و ما طلق لا الأولى و لا التانية
و صار عندو طفلين من التانية و عندو 3 صبيان و بنت من الأولى
و الأولى بعمرا ما قصرت معو بأي شيء
و مو بس هيك لحد هلأ ما اشترى بيت للأولانية و ما معو سيولة حتى !!

ما بيطلع شي بإيدنا لما الرجال بتصير عنيهن لبرا مصيبة،
الرجال الي بيعمل هيك عملة ما بكون شغل عقله بالمرة ، بكون ركض ورا عاطفة و هوى

لأنو يوما ما رح يمل من التانية و يحسا ما عم تفهم عليه ، هو بفرح عليها أول شهرين و بعدين ؟؟
شو استفاد غير جاب هم تاني

انتي عشتي معه 20 سنة و صرتي بتفهميه تماماً و صار ما بيستغني عنك و عن رأيك
أنا بنصحك ما تفتحي معو الموضوع و تحاولي تكوني كتير منيحة بحيث يخجل من حالو و يحسك أفضل من زوجته التانية
و ازا بتقدري تحرميه من فلوسك بكون أحسن
مشان ما يقدر يلحق للبيتين و يندم عالهم الي جابو لحالو
لما يكون قد هالشغلة يروح يتزوج و يصرف على عيلتين

لو لسا ما كان متزوجها كان ممكن تلاقي حل
بس هلأ تزوج و خلص
بدك تختاري اما انو تفتحي الموضوع معو لكن بتوقع حياتك رح تكون جحيم
او تسكتي و رح تطقي من القهر وحدك

خدي حسبك الله .. و هو نعم الوكيل
هو ما خرج عن الشرع
فما الك الا الصبر .. يلي رح يقودك للجنة بإذن الله
اشكي همك لربك .. " وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ "



التعديل الأخير تم بواسطة ماريا ; 14-01-2010 الساعة 06:14 PM