اذا الغرفة 5×4 معناتها كبيرة ماشاءالله وعندك خيارات كتير

فيكي تستغلي المساحة وتعملي 4×3 للسرير والخزانة والكومود


والزاوية التانية 4×2 استغليها لتعملي جلسة للبنوتة مع مكتب للكتابة ومكتبة للكتب والقصص وصناديق الالعاب

وهيدي بعض الافكار من النت
هيدا التخت من ايكيا بيتصغر وكمان بيتكبر بالطول لمترين وقت تصير الطفلة بعمر المراهقة



هون عجبتني الجلسة الزاوية بتلعب فيها بهالعمر وبس تكبر ممكن تدرس بنفس المكان
ولون الزهر مع البيستاش حلو او الابيض والفوشيا كمان الابيض والزهر وفيكي بالاكسسوار تدخلي اي لون عليهن وتعملي حركة بالغرفة




وهون كمان مثلا الادراج جايي بالطول
وكمان فيكي تعملي الجلسة بالنص وعالأطراف المكتبة للكتب وصناديق الالعاب
وكمان ممكن تاخظي فكرة لداخل الخزانة ممكن تعملي فيها رفوف ومكان للصناديق بتوضعي فيهن ثياب او اي قطع تانية



انا كان عندي صالون تقريبا بنفس حجم غرفة بنتك قسمته غرفتين للاولاد 3 امتار ونص ب 3 امتار ونص
وللبنوتة 3 امتار ونص ب مترين
فكرمال عندي المساحة صغيرة استغليت كل زاوية لقدرت حطيت تختين ومكتبين ومكتبة وخزانة صغيرة وكنبة وسط
متل ما شايفة بالصورة هون





اما بنتي ما قدرت اعمل اكتر من هيك لضيق المساحة
فحاطتلها بهيدي المكتبة كتب والعاب وصناديق كرتون فيهن العابها
وبالخزانة نفس الشي حاطة بداخلها صناديق
وبعد بدي غيرلها التخت واعمل فوقه رفوف واعملها جلسة عالارض صغيرة


[url=https://www.0zz0.com]






هلئ الموديلات اخترتهن موديل اوروبي ناعم

فإذا حابة الغرفة تكون شرقي فبرجع بنزلك صور وافكار ممكن تفيدك
وكمان فيكي تعملي رفوف بالغرفة للاكسسورات وصورها

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه