عزيزتي شادن اتضح لي من كلامك عن زوجك ان لديه الكثير من المواصفات
الرائعه والشئ السيء الوحيد اللي عليه هو لسانه اذا عصب ...
حبيبتي شادن الرجل في جميع بقاع الارض مايحب زوجته ترادد الكلام عليه ..
خصوصا اذا كان معصب فهو يحب ان الكلمه الاخيره تكون له
في جميع الحالات حتى لو الغلط راكبه من راسه لين ساسه ..
فافضل شي تسوينه انك تسكتين مره وتهدأين وتتعوذين من
الشيطان وتخليه يخلص كلامه وهواشه ولا تحاولين تردين عليه
الين مايهدا واذا قدرتي تطلعين من المكان اللي هوه فيه اطلعي
عشان لا تضعفين وتردين عليه..
بعدها ياحبيبتي اذا شفتيه هدا و روق ناقشي معاه المشكله بكل هدوء
وقولي ماني جايه احاسبك بس هذي حياتنا ولازم نتفاهم بهدوء واللي غلطان
يعرف غلطه ويعتذر ..
ثاني شي حبيبتي انتي عاملي زوجك بالشي اللي تربيتي عليه
يعني اذا قالك كلام سب وشتيمه لاتردين عليه بالمثل خلي لسانك
مايطلع منه الا الكلام الحلو وبس واذا سبك او شتمك ردي عليه بكلمه
وحده والله معاد يقدر يتكلم بعدها قولي له بصوت هادي وناعم " الله يسامحك "
واطلعي من عنده ...
واخيرا لاتخلين المشاكل تتراكم عليك حاولي كل يوم ماتنامين الا وهوراضي
عنك روحي له اذا انتي مزعلته وراضيه وتاسفي واعتذري لين يرضى
واذا هو غلط عليك روحي له وقولي له تراني تضايقت من كلامك اللي قلت
وانا مابغى انام واحنا زعلانين من بعض الدنيا ماتسوى ..
احنا الحريم لازم نقدم تنازلات حتى تمشي الحياة .. انتي عندك اللي ينصحك
ويوجهك سواء هنا في المنتدى اوغيره لكن ماتدري عنه هوه يمكن ماعنده اللي
ينصحه ويوجهه ..
فيه مقال للاخت العزيزه ام جمانه ياليت تتطلعي عليه مره مفيد وخلاصة تجارب
في الحياه و الاخوات اللي يعرفون الرابط يحطوه لنا جزاهم الله خير لاني مضيعته
وفقك الله اختي شادن لما يحبه ويرضاه
وبشرينا عن احوالك
وان شاء الله نسمع الاخبار الحلوه
تحياتي لك