منتدى عالم الأسرة والمجتمع - عرض مشاركة واحدة - ما رأيكم بوجود قطة في المنزل ؟

03-12-2008, 02:41 PM

#14

dodi_dabdoobi

عضو مميز

تاريخ التسجيل: Apr 2006

المشاركات: 2,684

ياحليلك
انا عندي وحده بس
اموت في القطط و والله لو كان عندي خدامة تساعدني اجيب اكثر من واحده
طبعا تربية القطط يبغالها صبر خصوصا في البداية يعني اذا اشتريتي قطة صغيرة لازم تطعيمات اول كم شهر و بعدها تصير مرة بالسنة

و لا تنسي الصحابي ابو هريرة اللي كان يربي هرة و كان يحملها على كتفه
و لك ان شاء الله اجر كبير من تربيتها
و طبعا الكلاب تمنع دخول الملائكة للبيت و نجسة عشان كده ابدا لا تربي كلب
و لا ارنب لانه اعزك الله يوسخ في كل مكان
و العصافير ريشها يطير من القفص في كل مكان و تحتاج تنظيف اكثر من مرة باليوم

يعني اذا اخترتي بسه (قطة) انا معاكي و أؤيدك 100%
ما تتخيلي قد ايش تعمل جو مرح في البيت و لعبها شي جنان و احلى شي اولادك ما يخافو منها

لكن حبذا لو كان صندوق التراب برا البيت اذا عندك حوش او بلكونة
و لازم يتنظف يوميا من الاوساخ و قطع البراز و انتي بكرامة
و لا تحسبي انها مو نظيفة
بالعكس تماما مافي اكثر من القطة تهتم بالنظافة
تقضي ثلثين عمرها تنظف نفسها !

افضل عمر للقطط لشرائها هو عمر شهرين لأربعة أشهر هذا العمر افضل عشان تتعود على نظامكم و بيتكم و لازم توديها في نفس اليوم للبيطري يكشف عليها و يعطيكي نصايح للعناية بصحتها و مواعيد التطعيمات
و أي أسألة تانية انا في الخدمة ما يردك الا كيبوردك