اختي في الله ..قبل اي شي انصحك نصيحه .. وهي انك ما تكوني من النساء اللواتي يكفرن العشير !!!.

يعني اي نعم امك تحكيلك كذا وكذا .. والناس كلها يحكوا كذا وكذا .. بس لا تخلي هذا الكلام ينسيكي افضال زوجك عليكي ...انا متاكده انه زوجك اي نعم فيه عيوب .. بس كمان فيه امور كثيره وخصال اكثر طيبه تحبينها فيه ... ومثل ما تذكرتي عيوبه ... اتذكري دائما مزاياه .. واتذكري اي شي جميل بيربطكوا سوا ..ولا تخلي كلام الناس يعمي قلبك بغطاء اسود يدمر حياتك

وكل ما احد يفتح سيرته امامك .. مش هيكون عندك غير خيارين ... اما انك تدافعي عنه وتردي عليهم جميعا وتسكتيهم بردك .. وتطلبي منهم ما احد يتدخل .. وامدحي في زوجك امامهم ... او انك تغيري من زوجك ...

اما انك تعيشي نفسك في دوامه اني اسمع كلام الناس وما اقدر اغير صفات زوجي ... معناته راح تغرقي والله ...


النقطه الاخرى .. اوالنصيحه الاخرى ... ويارب اني اقدر افيدك وييسر امرك ..هي انك لا تعودي زوجك عليكي..

لاني لاحظت من كلامك ان زوجك معتمد عليكي في امور كثير ..وعشان هيك .. هو مش هامه لا بيت ولا اولاد ولا ولا ولا ....انتي للاسف عودتيه ع كذا ... والرجل صدقيني نصيحه من اخت .. متل ما تعوديه يتعود ...حاولي من الان ارمي الكره في ملعبه .. حمليه مسؤوليه كل شي في البيت ... ابتداي بالامور الصغيره لحد ما توصلي للكبيره ... اعملي مثلا نفسك تعبانه وخليه هو يتحمل مسؤوليه الاطفال ... خليه يساعدك لو بااشياء بسيطه ... وكله بيصير باللسان الحلو ...حاولي اطلبي منه وانتي مبتسمه وبتسمعيه كلمات المدح والشكر ...صدقيني هيتغير بااذن الله ... ساعتها انتقلي لمرحله البيت .. واقترحي عليه انك تستلفي من اخوك بس هو ال يتحمل مسؤولية التسديد مش انتي .. وامر انك تاجري الطابق الثاني هاي سيبيها ع جنب .. خليه هو ال يقترح هيك اقتراح .. دايما اتعلمي انك انتي تبداي وهو يكمل الطريق ..انتي عليك بس انك تقترحي وتسهلي الامر مع اخوك ... بس هو ال يتحمل المسؤولية كامله .. وهو لما يتزنق هيدبر حاله اما بعمل اخر مثلا ..او انه يااجر مثلا ... مثل ما بده خليه يفكر .. واعطيه فرصه

اما بالنسبه لموضوع الحمل .. اصبري فيه شويه لحد ما تحلي مشكلة البيت ..وبلاش تدوشي حالك بالمشكلتين سوا .. وحاولي انك تفتحي معه الموضوع بطريقه خفيفه .. وتحكيله مثلا والله في دكتور شاطر اسمه كذا وكذا شو رايك نروح عليه ... والله فلان جربه وممتاز .. ودايما كلميه عن الاطفال والعزوه والجاه والرزقه والعيله .. الرجل صدقيني يتملي راسه من الكلام ... اما بالنسبه لموضوع الذهب ..فبصراحه انا ارفضه ...حتى لو هو طلب هيك ارفضي... وعلميه انه دهبك لالك ... عشان ما يتطلع فيه... وخليه هو ويدور ع امور اخرى ...واعطيه الفرصه برضه

وفي الاخر بنهي ردي بقوله تعالى "(( فقلت استغفروا ربكم إنه كان غفارا ، يرسل السماء عليكم مدرارا ، و يمددكم بأموال و بنين و يجعل لكم جنات و يجعل لكم أنهارا ، ما لكم لا ترجون لله وقارا ، وقد خلقكم أطوارا ))

والله يااختي الاستغفار انا اعتبره معجزه الهيه لا يعلمها الكثير .. فقط اقراي هذه الايه وتمعني فيها .. تفهمي ما اقصده


والسلام ختام