وعليكم السلام ورحمة الله وبركاته

وانت بالف خير حبي لوفتي أعاده الله عليك وعلى أولادك وأحبابك بالخير والبركة 🌷🌷🌷

والله يا لوفتي نحن عم نسمع وقلبنا عم يتقطع فكيف انت
ربنا معك وان شاءالله الدعاء مستجاب وكل هالظروف تكون أجر لك في الدنيا والآخرة

بتعرفي بمشكلتك دايما بعجز عن نصحك لأنو بعرف ئديش استنزفتك المحاكم والضغوطات ربنا يبدل حالك الى أفضل حل

وهالشي صعب قلك ياه لانك كتير عانيتي من الظلم بس ما في حل امام القانون الذي لا ينصف الا نادرا وخاصة ان كان بيطبق على قيمة الرشوة الا قانون الله فوق كل القوانين
واي حل احلاهما مر بس بما انو اذا رفضتي في احتمال تسقط الحضانة
ما الك الا تتواصلي مع طليقك باللين والمسايسة ولو هالشي مستحيل عندك بس اذا هالحيلة بتنفع لأجل الاطفال ونفسيتهم بنقدم نحن الامهات كل غالي لأجلهم
يعني يكون تواصلك لأجل الاولاد ويكون الكلام بس على نفسيتهم وانو انفصالكم شي والاولاد شي وانو بيهموكي متل ما بيهموه ولازم تتعاونوا لأجل مصلحتهم وخبريه انو بدك تضل علاقة الاولاد حلوة مع بيت جدهم وعماتهم واولادهم ممكن هالكلام يخليه يلين ويهتم لنفسية الاولاد اكتر
في بعض الرجال هداهم الله بينتقموا باولادهم بيفكروا انو عم ينتقموا من أمهم
صدقيني مرات الاحتيال بالكلام بيخلي أصعب الرجال يلينوا

واذا في مصلحة لنفسية اولادك اتبعي معو الاحتيال
لانو اللي عم يعيشوا اطفالك كتير صعب ورح يكبر معهن لا سمع الله

وفهمي بنتك الصغيرة ربي يحميها انو عمتها بتحبها بس مرات بتكون معصبة من اشيا كتيرة فبتجي ردة فعلها هيك عالصغار وبعدين بتندم
وانها بس ضربتها بتكون اتوجعت كتير من الضربة اللي اجت بالغلط وقت كانت عم تلعب مع عمتها وانو الكبير بينوجع متل الصغير
يعني بسطيلها القصة واطلبي منها انها تخبر عمتها انها بتحبها وتكون مهذبة وقت الزيارة لانهم كمان بيحبوها
فهيك بيصير اي موقف ما بيترك أثر سلبي كبير عالطفل
لانو مرات الام بتضرب الولد وبتأذى نفسيا بس ترجع الام تبوسه بنسى الطفل كل شي

بعرف الحكي سهل والتطبيق صعب بس مرات بنضطر نلجأ لأساليب لنقدر نخفف من المواقف المؤلمة

واذا بتقدري تتواصلي مع أخصائية نفسية للأطفال لتشوفي اذا في حلول بتقدر تخفف من هالشي
ربي يحميلك ياهن ويعوضهن بايام اجمل ونفسيات أحلى
الحمل كبير عليك حبي لوفتي بس ربنا انعم عليك ايمان ما شاءالله بتمنى املكه بنفس الدرجة اللي عندك ياها
دعواتي ترافقك حب 🌷🌷🌷🌷

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه